樓價不停升, 現在買樓是時候嗎？(20分)

中國人, 尤其是香港人, 住在這個地小人多的地方, 一般都相信"有瓦遮頭"對一個家庭黎講非常緊要, 因為有屋住是生活安定的基本因素, 所以, 如果搵到自己合適的,又係在自己能夠負擔的範圍之內的屋, 我相信你應該買咗佢. 尤其是你係搵香港島的屋, 因為香港島的地非常之有限, 樓宇的供應因而非常之有限, 所以樓價易升難跌, 你買咗亦唔會有乜損失.
你話近幾個月樓價不停升, 但升極似乎亦升唔過1997的樓價;
你話應否待回落時才買, 什麽才算是回落呢? 如果待樓價升了20%, 然後落番10%, 始終你仍然係買貴咗10%, 如果樓價真係有機會大跌30-40%, 咁就一定係因為有乜嘢大災難, 咁你到時就一定唔會入市, 因為到時你一定會話"睇定先啦", 之後個樓價升番, 你又會話先前啲樓咁平, 依家貴咗我梗係唔會買啦, 咁即係你一世都唔會買到樓嘞.
雖然話, 前幾年如果你租屋住好著數, 因為租又平, 又要業主包埋差餉管理費, 唔知幾好.
但如果你因為咁冇買樓的話, 依家樓價升咗, 跟住租金一定又會貴咗, 到時你就俾業主勒住條頸幾貴都要租嘞, 你話點算?
我相信未來幾年樓價大跌的機會絕對不大, 最保守估計都會平穏上升, 所以你依家買樓, 應該不會點樣蝕底, 至多先買一間細少少的, 遲啲再換間大啲, 咁咪夠晒穏陣囉.

預計未來一至二年樓價是否會持續上升呢？
我個人意見是會持續上升,
就算唔升, 點都唔會落. 可能透一透氣, 又再上. 因為08奧運咁大獲,
全香港同 大陸 , 都會一齊唱好個市,
無論係政府, 中央, 地產, 各行各業
都會一齊唱好, (就算touchwood, 真系唔掂, 都會粉飾太平)
所以如果想等個價落, 可能要09年中.
不過09年時間接近2012, 普選特首呢d 社會大議題時,
政府又會唔會俾個社會動盪,
一定撐住個市.....
唉....你想佢落都幾難! 可能要等2013!?

No!
If you ask me, I will wait 5-6 months.Cause the 樓價 suppost to get a little bit low.

★☆【】㊣★☆【】㊣★☆【】㊣★☆【】㊣★☆【】㊣★☆【】㊣★☆【】㊣★☆【】

依我睇 ( 經紀 意見 )

近期港島東區的樓價仲有上升ge空間
未來幾年應該會仲升高D
因為該區仲有各個新樓盆發展中
加上地利位置及交通唔錯
所以個價會幾貴

至於你話回落與否
我就好難答到你
不過肯定ge就係要個價落都唔會D一兩年ge事

如果你唔介意用多D錢的話
現在都買得過

★☆【】㊣★☆【】㊣★☆【】㊣★☆【】㊣★☆【】㊣★☆【】㊣★☆【】㊣★☆【】

好難答你而家係唔係時候,
不過如果你係諗住買黎自用,
仲會住一段長時間既話就幾時買都無所謂!
同埋跟據好多專家預計,
未來呢一兩年樓價都應該無乜可能會跌架啦,
至於會唔會一路繼續升就好難講啦!