泰國東方航空是點樣架？急急急!!!

我剛於3月去完布吉都係搭泰國東方, 真係一分錢一分貨囖,
部機濶度得左右各1排3個位加中間1條走廊, 而長度就好似得
2個機倉位咁多, 回程時重要坐正引擎位, 真係嘈到救命, 祝你好運喇!
娛樂方面, 無電影, 無機打, 得有限報紙供應. 至於食物就......唔好要求
咁多啦! 比食大家樂, 大快活差小小囖, 都擺得入口嘅! 服務都過得
去啦, 如果要求唔高的話, 去同回程都要坐巴士出外面行樓梯上機,
都幾有懷舊 feel 嘻嘻!
你自己衝量下啦! 如果價錢同其他Airline比, 平好多的話都可以試下嘅,
我就寧願忍幾個鐘機程, 住間靚d嘅酒店喇!
祝你旅途愉快啦!

其實感覺上又唔係太差ge
只不過係機身舊少少
d裝修舊d、同無咁乾淨啫
仲有就梗係d野唔好食啦
所以通常去嗰程就喺香港食飽個早餐
回程呢就買定KFC或者喺機場食飽又或者返到黎先食
但係價錢又真係比較吸引

這部機, 我搭左一次, 下次都唔禁搭, 如果可以的話, 都係搭返泰航好d
個年沙士後,約左2個朋友一齊去布吉島玩, 好平, 3仟唔駛有找, 點知就係搭中呢班航機, 點知回程時遇到香港3號風球兼晚上即掛八號, 坐上去好似玩緊機動遊戲一樣, 飛上飛落, 去程都一樣,
1.機身細
2.好舊
3.無麥野好食

如果你可以改時間去, 不如改下時間啦!, 如果真係無得改, 這樣...不如當玩多一樣機動遊戲啦 - 過山車.