電腦火牛問題

✔ 最佳答案

其實呢個問題之前已經係呢度答過，仲已經被評為最佳答案。不過，你呢條問題有點不同，我就略加詳細咁答你啦~
一般首先要留意係你用咩型的機箱！大箱、細箱、mini箱、橫箱，還是"式"仔箱？買牛要裝得落部機箱唔頂住的硬件，呢個係先決條件！
夾底板這個當然是重要的考慮！因應不同的底板需要有不同火牛的接線需要。買左個無呢樣，無那樣的火牛，自己又要再配接線，加加埋埋又咪貴左同唔好用囉！兩個都唔夾咪走埋一齊啦，太多多餘接線又阻塞通道同機箱散熱喎>_<
另外，你部腦多唔多耗電裝置？例如幾多個HD、DVD燒碟機、勁抽顯示咭，TV 咭等等~
一般火牛出力係標示的70%。即係明標350W的火牛，正常出力是245W、400W的火牛，正常出力只是280W。當然生產商佢會話最大出力係350W及400W喎，但踩盡油上大斜路出盡力比350W及400W電，好快隻牛要同你講886 ||Orz 所以買火牛要視乎你裝得耗電裝置多唔多，部電腦又算唔算勁！而家新款的多媒體應用打機電腦出火牛起碼要標明450W先足夠電用，唔係著機都會有問題！
仲有係隻火牛有無雙風篇供抽熱氣用！隻火牛發電時會同發熱，加上部電腦自己又發熱，咁咪會玩"共鳴--overheat"囉！所以隻火牛的散熱亦好重要。
當然再講落去會好嚇人，所以只講基本的。
至於你問的型號，例如：MAXTRON 勁量牛 420B 420W 24Pin ATX P.S
MAXTRON 勁量牛 420B<==品牌與型號號碼（呢個唔洗解釋啦呱!!）
420W<==輸出火數（記住係出力70%即294Watt）
24Pin<==可供連接到底板的接腳位數，舊式的底板只需要20Pin，20+4Pin只是提供兼容的彈性
PCI-E<==若然你使用的是勁抽PCI-E顯示咭，它是需要另加電源的。這就是由火牛直接提供電力予這PCI-E顯示咭使用，沒有的便需另加電源接線。
12CM.F<==即係火牛內的散熱風扇大小。一般用的火牛散熱風扇為8CM，在全速散熱時會發出較高的聲响，而12CM的提供不錯的空氣對流但聲浪較靜，通常為較高質的火牛或散熱器所採用。
ATX P.S<==ATX Power Supply，但也有分mATX即細機箱用火牛，唔好買錯喎！
一隻好火牛可以用上五、六年，又唔會用用吓死機同hang機，比起嗰D用一年唔夠就say bye的當然放心用好多^_^
PS.太平價的火牛連續開動會出現過熱情況，輕則say bye and go die!!重則會著火，燒埋間屋就Die Hard !!!之前香港發生過幾單不關電腦而火災的問題便源於此。

回答 (2)