請問Nikon P5000 好定SONY H7/H9 好 (10分 10分 10分)

✔ 最佳答案

我個人認為h9好d,

因為p5000得3.5倍光學,而h7同h9有成15倍,

根本冇得比......

雖然像素係差二百萬,但zoom近d就冇問題~~

而h9就有個轉得的mon,

影上影下都好方便,又有成3寸,是三機中最大的,

影得好唔好一目了然~~

下面有d用家的意見:

p5000:

優點:
-1000萬像素
-光學防震
-功能多
-ISO高達3200
-易用,不到1個月上手
-輕機,包埋電不多於210g
-Nikon既機有保證,唔易壞
-閃光燈夠勁
-其餘都OK
-呢部相機真係可以話係最平,2580送2GB卡同1年保養,仲有其他野送(相機套之類個D)Nikon真係太好人

缺點:
-缺點真係想唔到...不過都有幾個
-對焦慢左小小
-光學變焦小左d(3.5倍),4倍唔錯
-睇相個陣時太慢
-拍AVI真係...太過食位,幾分鐘就估左幾十MB
-ISO到800開始就唔清
其他都真係無

用後感: 講真,呢部相機買番黎真係唔駛學,就已經識點用,加上影相影得咁好,如果可以話光學變焦同對焦好番D就真係好,AVI唔係問題,因為相機梗係囉黎影相啦=.=,我推薦大家想買半專業相機既人,呢部係唔錯既選擇,其他個D我想無一部好過佢(DC黎講),輕得很,方便帶出街用.

sony h7:

優點:
我諗唔駛講都知係佢o既15倍Zoom係賣點，加上有800萬像，雖然唔係突出，但絕對夠用。令外就係佢o既連環快拍，可以連續不停拍照100張，我都有成日用呢個功能，以前D相機只可拍幾張，但H9,H7可連續不停拍100張，仲係800萬像，唔錯。

其他功能都係現今一般相機有o既功能，例如防手震，拍有聲640x480影片等。

還有一個幾得意o既功能，就係Edit相，可以直接o係相機裡面做Effect，例如魚眼鏡相～(好似影到大頭狗咁)，星鏡功能～(晚間D燈光可變到用星鏡效果)，柔焦鏡功能～(可以中間清，其他地方蒙)，呢D功能我覺得都幾有用，當然如果各下你Tune相高手，Photoshop都可做到，不過真係幾方便。

部機仲係 Made In Japen, 感覺好過Made in China 或其他國家～

-15倍Zoom
-防手震功能
-輕巧, 外型靚

缺點:
74mm Size 好難買轉接環，如要加鏡就一定要買Sony出o既Product，好貴同冇乜野好楝。希望第三廠商會有得出啦！

其實有一樣野我最不滿就係相o既質素，初初賣之前都聽人講過好多Noise，當初我都唔信，但用過之後就......真係好多Noise，同我用5年前出品o既Sony F-707真係差好多，因為我諗住五年前既F-707影相質素都幾好，H9,H7都應該唔差，Preview睇都Ok，但當係電腦100%睇相時，就一目了然，黑位好多Noise，顏色好亂，Jpeg壓縮相太多，以前500萬像相大約2M-2.5M一張，但H9,H7有800萬像，都係2M-2.5M左右一張，可想言之多300萬像，但同500萬像影出黎o既相Size差不多，現今D M.Stick 平過以前咁多，點解唔壓少些，可令相o既質素高些。

還有o既唔滿意就係冇得加外置閃光燈，如果有的話H9,H7就真係強好多，因為機頂o既閃光燈唔係好夠用，可外置閃光燈的話又可以節省多些相機電，因為部機都幾食電，用閃光燈會影得唔多相就冇電。

-74mm size好難買轉接環
-冇得加外置閃光燈
-相o既質素唔係太靚，好多Noise，
-唔可以楝其他冇壓縮儲存Format，例如 Raw, Tiff, 高質素Jpeg 等其他Format

用後感: 之前用開Sony F-707, 等左好耐Sony都冇出到一部好機，因為佢地集中火力係佢地部"白老鼠"單鏡反光機，之後就冇出過半專業既DC，真係有些失望。H9,H7都可以叫做半專業DC，對上個部R1價錢超貴，跟本就唔值，今次o既H9,H7實在非常抵玩，當然我買佢既主要原因係有15倍Zoom，不過最唔滿意就係冇得加外置閃光燈，如果有的話H9,H7就好玩好多，我相信Sony都係唔想打番佢部單鏡反光機，雖然係二個唔同Level既機，但H9,H7既功能都好勁，如果有外閃就真係有機會自己友打自己友。其實H9同H7，差不多係一樣o既機，分別有，H9多o左個可上下轉角度o既Mon，夜拍功能，可以係全黑既環境拍照，當然質素係好差同勁多Noise，另外多左兩粒制係頂，係快拍同測光制，H7都有呢個功能，只不過係要在Menu選擇。 H9同H7差$500，我最後楝左平$500既H7，點解？係因為部H7只不過係$3000左右o既相機，如果你要H9多出o既功能要俾多$500，係部機o既六份一價錢，H9多出o既功能值唔值見人見智，我都講講點解我唔覺得佢o既功能值～夜拍Function我之前部F-707都有，我影左咁多年都冇正式用過，只係特登去些全黑o既地方玩過，同質素太差，真係冇乜用。 3吋大Mon，又可上下轉角度，真係幾好，我都覺得有須要，不過試機時覺得佢做得好"化學"，好似好易爛咁，(大家可以試試睇睇個上下轉角度Mon，係唔係好"兒嬉") 另外就係上面個兩粒制，有當然方法便，但我都係唔多用，H7 Menu又可楝呢兩個制o既功能，又唔係冇左兩粒制冇得用。所以最後就楝左H7，因為可以用平o左o既錢買多支2GB MS同買多粒電，我相信會實用過H9多出的幾個功能。最後，雖然我講左呢D缺點，不過，$3000左右o既機，又有咁強o既功能，真係同Level冇邊幾部，H9,H7絕對係一部好好玩既機，我相信可以滿足好多一般玩家，當然你都可以數佢o既缺點，但如果用價錢加功能來講，呢兩部DC認第二，都冇第二部會認第一，不過遲些Sony或其他公司一定會再有些好過呢兩部DC~

sony h9:

優點:
- 3吋 Mon 大而清，可向上向下反實在好方便
- 15倍 ZOOM 好夠用
- 防震功能非常有效，夠光情況下 ZOOM 到15倍無 TRIPOD 都影到靚相。(個人認為防震功能比奧林巴B SP550 好)
- 紅外線夜攝功能的確可在完全無光下影到可接受0既相
- 遙控器方便配TRIPOD夜攝
- MENU 介面比以前T7功更 USER FRIENDLY，更易用
- MACRO 好勁，1cm 近都拍到
- 影完相可立即0係部機度加特別效果
- 有聲短片可用光學 ZOOM（奧林巴B 做不到)
- 快門由30秒到1/4000，而調校快門時相片0既光暗會即時0係3吋大 MON 度模擬顯示出來
- 開機快，一秒左右
- 黑色機機身表面用 DSLR 機面0既凹凸設計，感覺好PRO
- MULTI 面部對焦好得

缺點:
- 如果可以用 AA 電會更好, 幸好原裝 SONY 電$200 唔算太貴
- MS DUO 雖然平左躉但都仲係貴
- 場景模式只得9種，比奧林巴B SP550 少，但算夠用

用後感: - 個人認為 H9 0既 Design 0係 Prosumer 機0黎講真係好型 - 8 M Pixel $3390 更跟 1Gb MS DUO 算合理 - 對初學者0黎講不論玩光圈先決，快門先決或全手動， H9 都算好容易用 - 之前用開 T7 真係對SONY 0既影相質素完全失望，但今次 H9 令我對 SONY 0既影相質素挽回不少信心。

請問Nikon P5000 好定SONY H7/H9 好 (10分 10分 10分)

回答 (3)