廚房檯面唔小心漏左咖哩汁有污垢同污漬食左係入面洗唔倒

其實閣下已經用盡所有方法了,
現今製造仿石技術已經相當高,
如果有污漬可滲入仿石內,
呢塊仿石既質量跟本唔合格,
閣下跟本唔使恨.

而如果閣下已用過漂白劑, 沙紙... 乜都試過,
仿石表面更可能已被破壞,
遲D可能會有更多污垢滲入,
閣下可再用最普通的白色牙膏試試吧!
擠出適量牙膏, 加少少水, 用軟布慢慢打磨,
唔夠牙膏再加, 試試是否有效用吧.

唔得就再試試吧,
先在污漬範圍上面, 鋪放一塊乾淨白色乾布,
再倒濃漂白水在上面, 敷一段時間後,
查看污漬是否有被染上白布上,
如無效就試多幾次, 及加長時間,
如有效就更加要繼續做了.

如果以上方法無效, 唯有更換檯面了,
如果只係更換檯面, 保留原有廚櫃,
一般只需幾仟元罷了, 絕對唔需要成萬銀.

但閣下可考慮轉用深色仿石,
或天然石石面, 如黑金沙或麻石,
起碼唔怕再被染污嘛!