我的4日3夜的台灣行程..請幫忙..(+10分)

其實而家呢個天氣, 你去到都已經好熱, 浸唔浸溫泉都冇咩所謂, 因為本人上次去就係因為天氣太熱, 所以都冇浸到, 而淡水, 其實你第一日去到台灣, 跟住你地去完酒店放低d野跟住去淡水都夠時間架, 因為淡水真係唔算太多野行, 你去完淡水跟住去漁人碼頭都仲得,
你可以去睇夜景囉, 你去到漁人碼頭真係得個行字囉, 冇咩野做架, 九份你要搭好耐既車,
所以我都冇去到, 而五分埔真係超級大, 如果你想行晒佢, 真係一日都唔知夠唔夠, 佢買d衫真係平囉, 同埋可以講價, 買d野都有少少女人街feel架, 但係你搵就一定會搵到有野買囉,
如果你唔想去旅行甘多日都食夜市, 甘你去唔去饒河都得, 一定要去士林囉, 如果你去士林可以食官材板, 幾特別既, 都ok好食, 同埋你一去到可以食左野先, 因為佢分兩邊既, 一個好似街市既地方食野囉, 你可以每樣野食買一份, 買幾樣野食, 買晒之後坐係出面既椅子食囉, 你地食完野可以行去對面馬路既大街行, 勁多野買, 都有d小食野, 倏街勁長囉, 都有排行, 你地差唔多夜晚10去士林食野, 食到差唔多11點, 跟住去行街, 淨係行街都行幾個鐘架啦, 忠孝敦化既地下街真係冇咩野行, 唔好行啦, 返而忠孝敦化仲多野行, 你留意下d巷仔啦, d巷仔勁多鋪仔行架, 101真係唔好去啦, 都係得個望字, 好悶架, 水上樂園我冇去, 西門町你都可以行既, 勁多野睇, 都係d鋪頭仔囉, 你可以去食阿宗面線, 同埋有間蛋蛋飯都幾好食, 鼎泰豐就緊係一定要食啦, 真係勁好食呀, d皮薄得黎唔會穿架, 你可以去忠孝敦化個陣去埋都得, 因為附近都有間鼎泰豐, 你去到可以問人囉, new york new york你都係可以去望下既, 因為都係大商場, 都係得個睇字, 買d野貴過香港, 誠品既話你唔好去24小時個間, 冇野行架, 你去就去近101個間啦, 大好多, 淨係買書既都有兩層囉, 但係佢地收12點既, 六福村都唔好去啦, 真係冇野玩, 勁白痴囉, 你去台灣可以搵下有間飲珍珠奶茶既, 叫五十嵐珍奶, 好好飲架, d珍珠好細粒, 幾得意, 如埋你地去到台灣如果會成日搭捷運, 可以去買張叫攸遊卡既, 好似香港八達通, 一張買500台幣, 有100係按金, 400係車資, 其本上你係用唔晒400既, 你地每人一張, 到最尾個日你地可以去返捷運站退返張卡囉, 佢會將餘額比返你既, 方便好多囉, 你去淡水搭巴士都可以用架, 祝你玩得開心啦

其實呢...我覺得夜市方面你唔需要預太多時間...因為你根本食唔落咁多野！
要揀d精既去試...好似胡椒餅都係一個唔錯選擇！香港無得試嘛..
台灣咁多夜市...個個都差唔多!!^.^
仲有就係木瓜奶同花枝羹....值得試下!!!

西門町本人就覺得無咩特別喇!!可能我唔大購物欲!!
買野方面又普通(旺角仲好過佢....)