急！關於乒乓波既策略，就快校內比賽！急問！

由於對手身型較高 手較長 所以手一伸一縮會比你慢
建議用長短枱既戰略 再配合埋落球位置左短右長 右短左長
一開波用側下/下旋球開近網既2邊位 之後
1. 如佢打你正手長枱 你抽打攻擊
2. 如佢打你反手長枱 你要打返佢反手長枱 球越快越好
主要吼佢正手短枱 同反手長枱 就無往而不利

到佢開波 佢開上旋 你打佢反手短枱 如能抽擊就抽擊
佢開下旋 就加重下旋落佢正手近邊長枱位 要點係旋要重 球要快 博佢抽擊失敗 如佢抽擊技術強就縮晒短枱 用番一長一短 一左一右 戰略

唔比佢地打我２邊？
通常對方甚至乎你自己,要打人兩邊,一般係用反手推人地兩邊,係咪?
你企定定咁指人地兩邊走,係咪好過癮呢?
反過來講,你唔想俾人企定定咁指你兩邊,咁你咪先調動佢囉.其實可以連續指佢正手位,等佢撲完又撲,咁你就好打好多.

我開波既打法:
左右兩邊發又急又長下旋球為主.先讓對方起板,然後運用你直拍推擋優勢,指到佢兩邊走,回球稍高即側身正手補一板勁既.

佢開波既打法:
最緊要先接好發球.控制好既話,不妨反手推直線或搓長直線,等對方先要撲正手,陣脚大亂之下，然後你揾機會正手補一板.

上面既打法雖然係俾人起板先,但只要你自己已有准備去接,去擋,咁就冇有怕.