我地平時踢既adidas足球的重量同國際用既足球有冇分別?

我唔知你平時踢嘅 Adidas 係幾號波，如果係5號波，咁你平時踢既adidas足球嘅重量同國際用既足球冇乜大分別，因為國際足協球例對比賽用足球嘅重量有嚴格控制。
國際足協球例第2條列明比賽用足球的重量應介乎420g(14安士)至445g(16安士)。Adidas5號波都印有FIFA approved字眼，即表示呢個波符合國際足協規定。
以下是一些 Adidas 波的重量:
06世界杯用球 Teamgeist 441g
50Xite 440g (練習波)
Tea,geist Training Ball 435g (練習波)
這說明平時踢既Adidas足球嘅重量同國際比賽用既足球冇乜大分別。你覺得某個波輕啲，係因為嗰個波用料柔軟 (PU)，你腳感好而唔死死實實，而且個波因為波膽柔軟 (用天然橡膠)而去得遠啲。呢啲一切都係國際比賽用既足球嘅特點。
講開波嘅重量，順帶一提講波佬的無知，成日話落雨個波索咗水重，球員好難踢。今時今日比賽用既足球，係唔索水嘅，佢地嘅思想仲遺留喺80年代自己踢波嗰陣，又一次吹水唔抹咀。

有......
分平版 同 落場版 ........
平版 adidas 波 平均 兩三舊水
落場版起碼5舊.........

我覺得落場版好踢D.....輕D.......輕得黎唔會太飄.........

2007-06-21 01:41:44 補充：
to 樓下果位三XX........ 你有無踢過架?1XX-2XX 果D 雖然都係 adidas , 但係就肯定唔係同落場果隻一樣......eg 04年歐洲國家盃 落場果隻有做無縫 設計 ...... 無針織位架...... 飄好多架wor.....普通 零售版 無用 無縫 設計..........