我的倉鼠..

指甲問題:
指甲係咪過長其實你可以睇到,睇下d指甲有冇長到彎入腳板,甚至插入腳板,如果係咁就係指甲過長.但因為鼠鼠既指甲入面係有血管,加上鼠鼠又好難完全唔郁,長到插入腳自己又唔會整到,所以就算係指甲問題,我都建議你帶佢睇醫生.
覺得鼠鼠指甲長長地既時候,其實可以買d木既玩具,咁佢就可能會爪(隻隻鼠唔同,所以都只係可能)

都睇過話可以用幼砂紙放入一個地方,俾鼠鼠每日行幾分鐘,都可以整短d指甲,不過我就未試過,唔知係咪真係掂.其實鼠鼠指甲唔係真係過長都唔洗點去打理.

佢有抓傷自己既情況,如果指甲唔係真係好長,其實可能係有皮膚病.有時我見鼠鼠指甲就算好銳利,其實佢自己都識得點去同自己沖涼唔整親自己,抓到流血好多時係因為有皮膚病,令鼠鼠好痕好痕而抓成.
皮膚病好少會致命既,唔洗太擔心,但都要留意下甩毛既地方會唔會有粒粒生出唻,有時甩先,都會因為有腫瘤而甩既.

有皮膚病既做法:
1)有第隻鼠既話要分籠
2)有皮膚病就要保持個籠乾爽清潔
3))同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
4)曾見過有俾鼠鼠飲既皮膚病藥水,如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,買既時候記得睇下有效日期.
5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
6)當然可以直接帶佢睇醫生啦. .睇醫生既話可以考慮一下:
愛護動物協會診所資料:
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

牙齒問題:

如果你隻鼠唔咬磨牙石,就可以買一d木制玩具俾佢咬,又或可以試下鹽磚.
鼠鼠係一定一定要磨牙,因為佢地既牙係不斷生長,唔磨牙既話,d牙會插穿鼠鼠,令鼠鼠死亡,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制既野係最好既.
專整俾鼠鼠咬既磨牙石係針對鼠鼠磨牙問題而設,所以我覺得係比較好既.
有d人會建議俾木筷子俾鼠鼠咬,但我就覺得唔好,一來會有刺,二來易令鼠鼠想塞入腮,咁就易整親個腮啦.

但如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦

2007-06-12 17:08:06 補充：
漏左講,有d食物係包住支木,一條氣咁既,都可以有磨牙作用.我就唔建議俾雪條棍俾鼠鼠咬,除非買d全新既,但都要小心鼠鼠會唔會塞入腮,整穿個腮就唔好.如果係食用過既,就唔好啦,好難洗得乾淨,洗得唔好唔衛生,甚至有雪條既汁留低,都對鼠鼠唔好既.而合桃等就要買鼠鼠專食,人食既好多都有附加物質,都對鼠鼠有害

用蘋果樹枝代替磨牙石

可以試下用木條如雪條棍比佢咬下. 或者一d硬殼食物如合桃.

go to see the pet doctor lol~~~