好慘吖！被雀籠”冤枉“影沖紅燈相 _

里個系關于我前幾日好不幸既揸車經歷。

我揸幾年車一直小心，從來從來未比人抄過牌扣過分，上個禮拜被警察影快相話我快8km後已經好唔開心，唸住算啦以后小心啲自己大意。點知陸續有來。。。

前幾日再揸車，揸過個幾細既十字路口果陣，本來以當時正常合法車速系可以揸過個路口（揸出黃線格仔），不過點知前面兩架的士突然想排隊入間酒店既車龍，由于里面無位，所以距地剛剛過咗個十字路口，就停咗系度擋住我架車既前路。我就馬上剎車減速。

猶豫咗半秒，當時我已經揸咗出嘅路口黃格位置。果個紅綠燈亦開始轉黃，我唔想停車（亦不可能就咁停系馬路中心），倒後又有車，就唯有再加速扭過一邊避開啲的士，過咗個路口。

不幸既就系我隨即就被旁邊既一部“雀籠”影咗“沖紅燈”相，要比錢唔在講，咁樣扣五分就真系唔抵！再扣揸唔到隨時無工開架。。

而家等緊罰單，想查下幅相。請問各位馬路大老，究竟我可以上訴嗎？無理由機器話乜就一定入罪掛！？ 如果系警察在場都話有得解釋呀，請問有無差唔多既經歷。

萬分感謝。！！