關於紅酒(Menada Merlot 2005)

紅酒實在有太多選擇, 你須要提供多些資料, 比如你父親喜歡飲那個地區, 那個價位, 因為你可以買 $99 到 $900 的紅酒都得, 但我身為消費者, 如果用 $120 買到 原本值 $200 的酒, 會更有滿足感. 我冇睇過呢個廣告, 不過保加利亞嘅酒唔係咁有名, 冇咩口碑可以參考. 但係一定唔應該貴過 $80-, 如果你覺得 $122-係 afford 得起, 可以去將軍澳坑口站或太古站康怡吉之島(要大間 D 先有, 黃埔,APM應該都有,樂富荃灣就肯定冇) 我建議你去買一支法國嘅紅酒, 好似係 1999年, 個酒樽有少少唔同形, 就係樽身開始闊 D , 樽腳稍為收窄, 招紙近底部有個出品編號, 康怡吉之島嘅應該係 9XXX, 將軍澳吉之島仲有 D 係 9XX, No. 愈細愈好, 我試過, 相當唔錯, 上個月仲有九折; 如果你可以買好少少, 可以買印有 Cru Bourgeois 字樣的酒, 約要 $200+, 如果你想再平 D, 可以去大間嘅惠康, 搵一枝 2005 年 Chateau Grand Jean, $79- 都飲得過, (其他平酒唔係唔好飲,但以我個人意見,南美酒太多添加, 北美澳紐又冇咩性格)
希望資料有用, 父親節快樂 !

2007-06-14 15:50:50 補充：
$122 的酒名是 Chateau Pont de la Tonnelle 1999 可買到編號由 900幾至3000幾 , 比較難得. 因最多可達十萬位, 大 number 質素會差左 D.