為何重型車要用2波開車

喺討論點解用2波開車時, 先了解吓重形車輛如貨櫃車嘅機械特質先
1, 引擎: 大部份重形車都係用油渣(diesel)引擎而非汽油引擎(gasoline). 油渣引擎嘅好處係喺同一數量油渣可以比汽油行更多里數, 即係更慳油. 而油渣引擎可以喺好低引擎轉數就釋放好大嘅扭力 (例, 美國Dodge所做嘅超級跑車Viper出晒名扭力勁, 用八千三cc V10引擎喺4,600轉時做出峰值扭力525 lb/ft, 5,600轉時做到500 hp馬力. 而美國貨櫃車常用嘅Detroit Diesel 一萬二千七百cc直六turbo油渣引擎, 喺1,800轉已經做到380匹馬力, 更驚人嘅係喺1,200轉時, 即係差不多踩油落去嗰一吓, 就可以做到峰值扭力 1,350 lb/ft, 差不多係Viper嘅兩倍半!) 有助起動本身嘅車重同埋運送嘅物件. 但油渣車嘅唔好處就係比較嘈, 同埋引擎活動範圍窄. 重形車引擎 一般二千零三千轉到就到達紅區
2, 變速箱/波箱: 因為棍波波箱結構比較堅固, 可以抵受大油渣引擎大扭力輸出嘅原固, 所以大部份重形貨車都係配備棍波. 重形車要考慮到運載重貨物同多乘客, 所以要做到full-load時都可以夠力開到架車, 低檔個齒輪比率要做到好低先得, 但長途運輸又要兼顧到慳油, 所以高檔次時齒輪比率又要做到高. 如前文所講油渣引擎轉數好易到紅區, 所以要盡力運用呢個比較窄嘅發力區域, 就要用上超密比(齒輪與齒輪之間嘅比率接近)波箱. 將幾個要求加起嚟 -- 起步要超低比率+巡航要高比+超密比波箱, 就衍生出重形車輛有成十幾個波段.
了解咗呢兩樣機械結構特性之後, 我地可以諗吓點解用2波起步. 首先如果喺冇載貨同空車或者唔係上斜嘅情況下, 就唔需要用咁低嘅齒輪比去起步, 咁開車嗰吓就唔會咁"挫", 亦可以偷懶轉少次波. 通常貨櫃車喺燈位起步到過咗個街口都已經轉咗兩次波! 由0~70km/h差唔多要八次! 油渣車嘅低轉高扭力係可以令到架車喺唔係咁高波段嘅時後你放個極力子唔踩油都郁到架車(好多小巴私機都係咁)
至於私家車, 如果棍波嘅話其實只要你控制到個極力子, 你鐘意幾多波起部都得添! 問題係如果用高D嘅波段時你會唔會右腳比油多得滯架車都唔去, 磨蝕極力子D皮! 考試冇話規定唔得嘅, 不過個考官會驚你斜路起步都咁做就好易會溜後, 所以都係唔好咁做喇! 喺落雪嘅地方通常都會2波起步, 咁起步嗰吓就唔會因為太大力而導致跣胎.
自動波方面, 比較大cc大馬力嘅車, 或者講求乘坐舒適嘅車 (如Porsche, BMW, Benz, Lexus), 平路都係設定2波起步, 咁就唔會咁挫. 有D車有"Snow Mode"嘅都係會二波起步. 而"Sport Mode"就會跳去一波起步. 對自動波而言2波起步對機件係冇影響.

真係好笑
講講下講自動波講私家車 !
識吹水真係唔同 d

私家車無錯都可以用2波開車,長期係咁對車有一定性o既影響,而波段愈細,力度愈大,用1波起步係正確o既做法,

1波力度大，能令車子上斜時，容易D
no.愈細力度愈小，適用於平路
大型車輛開車need多D力去推動整架車
而私家車剛剛相反

2007-06-12 15:48:41 補充：
大型車輛車身重私家車車身輕