為何好友不能做情人?

我一向不喜歡突如其來的追求者, 總是在朋友間發現對方的優點, 慢慢會對他們其中一個有好感, 覺得可以發展, 但每次都發覺我的朋友全部都當了我是朋友就一直只當我是朋友, 完全沒有意思進一步發展, 一個係咁, 兩個又係咁, 就算大家幾傾得埋, 甚至可以問我去邊度買底褲, 而我又知佢無拍拖, 都唔覺對方會考慮下同我發展另一段關係.

自問又唔係成日發姣, 有時連身邊的人都以為我地拍拖, 但原來唔係! 曾經有個男仔同我真係好親密, 身邊其他人問佢我地係咪一齊, 佢死口唔認, 仲以後都唔再揾我 (我真係唔明點解佢咁驚); 我又唔係成日都咁被動! 一次我想向對方表白, 對方未等我開口已經阻止我, 話有d 野唔好講出口...

我好辛苦呀, 點解明明好夾得來, 但又唔可以發展? 就算只係試下都唔得? 我真係唔鐘意未了解對方就同人拍拖o架嘛! 點解朋友淨係可以做朋友?