一開始放工既時候係無簽約~而家返左半年佢強積金冇幫我供~
公司係細公司黎架本身有我同埋秘書仲有個阿伯~上個禮拜個秘書比佢炒左.
我要做埋佢平時要做既野~我老細都冇同我交代一聲有同事要走=-=..仲有我要做埋佢d野
而家佢仲整左份合約比我簽~份合約內容包括遲到半小時扣半日糧~遲到一小時扣全日糧
-0-~有薪病假一個月得一日~不可累積~在請假期間要與公司保持聯絡~協助同事或完成當日僱主安排的工作?請左病假無得休息仲要做野=-=...咁請黎做咩??點簽得落手
我最怕係份約既終止合約果項度寫如果故意/不聽從僱主所安排的工作~
除了可即時解雇外~~有權不作任何通知及不發放7日代通知金還保留法律追究權利=-=
佢本身都好想炒我~係因為而家得我做佢公司d野~佢先唔炒我住仲有利用價值...
如果我簽左佢用呢項黎炒我都得啦咩都唔使賠啦-0-.琴日我已經答左佢唔簽約~
佢問點解~之後我話唔想簽約~跟住佢就全日提都冇提過份合約或者會點安排~
唉...究竟我有咩賠償可以獲得~~我係咪要繼續係度等...等佢炒我?~佢炒我同我辭職有咩分別??~有冇人可以幫下我=0=~我好煩惱!
有關僱員合約
2007-06-12 7:03 pm
回答 (3)
2007-06-12 11:29 pm
✔ 最佳答案
如果你的人工是散工合約，佢就無須為你供強積金。但看你的描述，佢給你的是合約員工，佢應該要供強積金，不供可以去積金局告發佢，但你要保留開工的證據。另外你只做了半年，自己走和俾佢炒都是一樣無數為，你估咁無良的僱主，佢炒你會俾d咩你呀！還是早走早好了，免得浪費時間。至於雙糧，就視乎你當初入職時如何同佢約定了，如果你保留一些文件上的證據，可以去勞工處查詢，有時可以為你追回一些你應得的福利。
2007-06-12 7:14 pm
根據我所了解, 如果你對公司份Contract有不同意的地方, 你可以直接同你boss傾, 若果仍然得唔到共識, 你可以向勞工署查詢, 但如果你對這工作不滿, 你而家因為咩都未簽你可直接向勞工署呈報有關問題, 當然你亦都要再找工作啦!!仲有你見工時有冇咩口頭協議呀??
2007-06-12 7:11 pm
我覺得你應該搵過第二份工，1)佢唔幫你供強積金，佢已經犯佐法，可以告佢；2)佢既合約跟本就唔跟勞工法例。所以我覺得你應該可以搵過第二份好啲既工，起碼要跟足勞工法例啦！
收錄日期: 2021-04-13 18:57:33
原文連結 [永久失效]:
https://hk.answers.yahoo.com/question/index?qid=20070612000051KK00886