如果買樓最少要俾幾多percent 首期?

正常情況下係比30%做首期...但係有d保險公司可以做2按...如果做到2按...比5%都可以買樓了...當然2按d息係貴好多...

買樓一般是30%首期 (向銀行按70%); 若首期唔夠或想預留D錢做裝修, 可以向銀行/財務借多D至樓價99%都得.

二按即超過70%的按揭, 如果買二手樓, 二按利息唔會特別貴, 通常會與7成按揭一樣, 即全部貸款(70%+二按)以P-XXXX計算, 現時大約為5厘左右. 如果買新樓, 發展商可提供二按揭, 但二按利息會貴D , 大約為6-7厘左右

** 即銀行按70% (約5厘) + 發展商按20%(約6-7厘)

總之超過7成既按揭就要俾保險費, 保費大約為全部按揭貸款的3%, 可以一次俾, 每月或每年俾都得;

$500,000首期可以買140-150萬樓, 首期42-45萬, 餘額要來俾佣金,律師, 厘印及買部分傢俬, (裝修方面除非買有裝修樓, 否則要再另外攞錢裝修…….)

現時在香港, 金融管理局屬下的銀行監理處規定物業按揭貸款最高係做銀行估價的70%, 如果你借多過70%, 就要向按揭保險公司買保險, 以防你第時冇錢還俾銀行時, 銀行的損失就由呢間按揭保險公司賠償俾銀行, 以增加銀行業的安全性. 呢筆保險費大約等於你全筆貸款的3%咁上下, 係保晒全個貸款期的, 視乎你貸款的年期, 呢筆保險費你可以喺開頭的時候俾, 亦都可以同銀行講分期俾. 但無論如何, 呢筆保險費俾咗係冇得攞番的, 就算你之後提早還晒錢都冇得攞番.
申請呢種按揭保險係有限制的, 你一定要用自已名買樓, 唔可以用有限公司名買樓,仲有, 如果 你申請呢種按揭保險,銀行會對你的入息睇得緊啲, 即係, 如果你做普遍正常的七成按揭, 你的月供款項唔可以超過你入息的一半, 但如果你申請呢個按揭保險的話, 你的月供款項就唔可以超過你入息的三成至四成嘞, 你要計真啲條數.