冇人了解我~~先看看事情先~!

其實如果覺得自己無犯錯, 何必同班人一般見識呢!

其實我想問，你話D同學起你背後講你壞話，咁係因為發生佐D事令到佢o地咁樣做，定係本身佢o地一開始已經唔鍾意你先咁？

首先，你要明白，每件事有因必有果，有冇諗過點解佢o地會咁對你？會唔會係自己做錯咩事？或者有冇D咩誤會？要解決問題就要先搵出原因，如果係自己o既問題o既，咁就要反省同改善。當然，個底唔好的話就算你做返好都冇可能即刻得到別人認同，你需要付出o既係時間同忍耐去令人慢慢忘記件事或者對你改觀。

千祈唔好睇唔開，咁係好傻，我信佛教，我知道自殺o既人死後不但唔可以輪迴轉世重新做人，而且仲要起死o既地方徘徊並重覆做同一件事，不斷將痛苦演繹。無論你信唔信都好，呢種講法都只係想世人唔好因一時睇唔開而了結生命，如果唔係到時後悔都來唔切！
當你覺得自己呢刻好似最慘o個位o既時候，你諗下起呢個世界仲有好多人同你o既情況一樣，有好多人都慘過你，雖然一山還有一山高，但一山亦比一山低。不如等我講下D例子......

唔知你有冇聽過啦～好耐之前，有一間學校，來佐個新來o既女同學，由於佢係新移民，D廣東話又講得唔正，於是班上面o既同學就排擠佢，但佢冇錯架bo！後尾佢不斷俾人整估，佢好辛苦，有一次因為班同學整估得太過份，個女同學受唔住屈辱就衡佐出去由學校高處墮樓身亡！
旁人睇你o地覺得值得咩？個女仔咁就死佐，佢將來可能有好好o既生活，佢欠缺o既係咩？係一種忍耐！

又講另一個個案，呢件就係起我身邊o既事來的。我讀Form1 o既時候，有一個女同學同我同班，可能係因為佢o既外表或動作與別人不太同，因此佢一直都被人排斥，有時會被別人取笑或者玩弄(當然我沒有與人同流合污)。到而家中五畢業了，我呢五年來未睇過佢喊超過一次，雖然我同她唔係好熟，但有時候我同佢講野時睇得出佢o既堅強同樂觀，而且佢D讀書成績一年比一年進步，雖然好似冇咩人會拍手鄧佢高興，但我心裡面好佩服佢！到而家已經冇人會再玩佢再笑佢，唔知係因為D人厭佐定係佢o既努力塞住佐人o地把口啦，但始終呢件事亦可作榜樣。

凡事都有始有終，事情總會有過去o既一日，你諗返你以前所遇到o既挫折/煩惱，而家不就是完結了嗎？你而家所見到o既只係人生一小個小到唔小o既階段，冇錯將來可能仲有好多o野要面對，但到老來回頭睇返所有o野都只係過眼雲煙而已。覺得攰嗎？做人就係咁攰，唔通唔做人嗎？唔做人就係做鬼，但自殺o既鬼一定俾人更痛苦！再唔係就修練成神，只有上帝/神先至係萬能，人類就係要按自己o既能力去做事。每個人都一定要經歷一D挫折先可以學到o野，就當係一種磨練，如果有一日，你磨練到發生咩事都能夠處變不驚，心平氣和解決問題，就已經好叻！

你要求傾但佢o地唔肯同你傾係佢o地o既問題，放心啦叫你去死o個個朋友唔單只唔係朋友，簡直唔係人！唔係佢唔同你做朋友，係你唔應當佢朋友，咁講說話真係會有報應的，唔係講笑。
知己的確難遇，但有緣o既一定會遇到。冇人係100%明白自己架！冇人明你唔緊要，最緊要係你明自己想點，有咩錯就改，冇錯就做返本份就得。如果唔係你o既問題就無謂同D人一般見識。雖然我唔知你讀幾年級，但如果你環境許可你大不了可以轉校，重新來過！轉唔到校o既就咬緊牙關捱過去！加油呀，每一個香港人都同你一齊捱架！唔好放棄自己！
或者有一日你又可以同你班同學融洽返呢！天無絕人之路呀～

多做善事，你為人o地帶來開心，你自己會開心。同時間同D聽下人o地o既經歷，亦都可以起人o地身上學到唔少o野。

有咩想講同e-mail同我講啦。