用EPS,ATM,PPS,PET,credit card有咩後果

EPS係由自己個戶口直接過數或者提款, 所以只係有幾多先可以拎幾多~ 但係可能方便, 所以會令人易D揮霍~

ATM只係部櫃員機, 俾你過數, 提存款之類既作用, 係因為集一般人既需要, 而且可以廿四小時不停運作, 所以銀行可以裝多幾部減少人手, 甚至銀行可以開少幾間, 成本低好多, 但係會令失業問題緊張~

PPS只係一個找數既平台, 可以透過上網同打電話廿四小時清咭數或者清還其他單據既收費~ 方便囉, 因為唔係個個都可以咁得閒親身去銀行或者便利店同郵局交錢~

PET就唔係太肯定係乜... 係唔係指網上購物如果有LOGIN A/C可以因為有存取左既資料而快D找數, 唔洗次次填姓名地址同俾錢方法之類?

CREDIT CARD就好簡單, 好多人都係先洗未來錢, 所以咁多人都有咁多咭數纏身... 只係D人既錯覺認為CREDIT CARD o係佢地本身有既收入之外再送錢俾佢地, 但係其實錢都冇多過... 唔識計住黎用就會一身蟻~

唔．．．你問得有啲怪，基本上以上所有方法都係方便自己方便商戶的一種付款方法．唔會有咩特別的後果．

至於分別就有啲唔同：

ＥＰＳ會直接從你戶口扣數，付款時要按密碼；除咗付款你亦可以同時提款；

ＣＲＥＤＩＴ　ＣＡＲＤ並不是即時從戶口扣數，付款＝簽帳，簽個名就可以有成個月（通常銀行標榜５６天還款期）時間你慢慢還，而且簽帳仲可以儲積分換禮品．
唯一弊處係對於自製能力唔強既人士，好易簽吓簽吓就欠卡數，因為到期唔還清係會有利息架！　　例如：欠＄１００００，你只還到＄８００先，ＣＲＥＤＩＴ　ＣＡＲＤ　會計你利息（間間息口未必一樣）～＄６００，即是你仍欠＄９８００．．．仲未計你第二個月可能又有新簽帳．．．到最後你可能還多咗好多＄，又或者係還極都仲有．．．

ＡＴＭ同ＰＰＳ都係繳費既方法，分別在ＡＴＭ即是透過銀行櫃員機，而ＰＰＳ係透過電話．ＡＴＭ只要你有銀行卡就可以，而ＰＰＳ你需要自開設一個繳費靈戶頭先．


希望以上所講係你想要既答案啦！＾＾