和一個已結婚的女同事發展能夠有結果嗎..?

我同過一個已婚舊女同事拍拖，結果佢真係為左我離婚。但佢係冇仔女，而且佢結婚前我地有一段時間試過拍拖，只係嗰陣時我地唔成。

回應你第二條問題，我嘅經驗話俾我聽唔一定冇結果，只要個女仔同而家個老公唔夾，而且對你朋友有feel，就有可能離婚。而且據我觀察，女方有婚外情同男方有婚外情，結果可以好唔同。如果一個男人有婚外情，個老婆可能因為唔想冇左依靠，會想辦法保住段婚姻，而且男人玩婚外情就叻，真係要佢為左情人離婚時往往婆婆媽媽，又覺得自己唔應該負左個老婆，好多時候個情婦真係冇結果。但反觀，男人如果知道老婆有婚外情，所謂一次不忠，百次不容，為左男人嘅尊嚴，好多時候反而主動同老婆離婚。而女人對婚姻嘅責任感亦遠不如男人，因此女人有婚外情嘅話離婚嘅機會大好多。

至於你第一條問題，一來要搞清楚個女仔係唔係玩緊你朋友，二來亦要迫個女仔快啲同佢公離婚，咁就要記住一個好重要道理：唔好俾佢同時擁有老公同你。如果佢可以同時間兩邊吊住，咁就算佢對你朋友真心都好，都未必會咁順灘就離婚。所以你朋友要置之死地而後生，同個女仔劃清界線，如果你唔離婚，就唔駛指意我搵你，甚至由而家起我唔會見你同聽你電話，直至你同你老公攤牌為止。如果你想我睬番你，你識點做。當日我就係咁，成功迫到我女友同佢現任老公分居。

再重申一次，破壞人婚姻始終唔好，我如果唔係肯定我女友同佢現任老公一齊唔會有幸福，而以後我亦會真心對佢，我都唔會咁做。你要叫你朋友諗清楚佢兩個之間係咪真愛先好行動。

其實..唔可以甘講..我自己都結左婚..有1個仔仔..當然覺得佢甘做好唔岩
不過要搞清楚一件事先..就係個女方老公係咪對佢好差先...
男人鍾意左有老公既女人唔係問題...但拆散人地屋企既就唔好囉...
1:算啦..無可能勸倒..你只可以慢慢甘引導佢..同佢解釋返好同唔好
你唔好只講唔好.都要講下好既,如果唔係佢會好反感
2:唔一定係無結果嫁.依家真係有好多人離婚再同人結婚
最緊要係.當時人真係相愛.如果唔係相愛.甘緊係無結果啦
結左婚唔係問題嫁.不過有小朋友就麻煩d.

(我一家很好,不過都有朋友好似你朋友甘.無辦法的了)

1, 叫他唔妤那麼傻, 為了自己開心破壞別人家庭, 也會令小孩成長身心有影響, 如果他設身處地當自己是那女同事的先生, 誰也不好受.
喜歡一個人不一定要擁有.

2, 人家仍然是別人的太太, 不是單身, 也有了小孩, 他她們的愛情不是只有她他們兩
人那麼簡單了. 應該要找單身的女生跟他一起建立家庭.
你跟他說會幫他找好的女孩.