有關做証人問題!! ##十萬火急##

做証人,我得多,現在証人費$150元，唔理有沒有機會出庭講野,(有需要才叫你講)。通常只浪費半日時間,除非特別例外。你無須要驚,又唔係你做錯事。最緊要照直講,唔好加加減減咁就嘸野。(如果你真係企出去作証,唔緊要,一定要聽清楚對方律師要問乜？如果唔清楚對方律師講勿,你是可反問佢講乜東東,同埋有个翻釋員企係你身邊，解說你聽。一定諗清楚才答,唔好急。到政府方面問你佢會就住黎問所以無必要驚。有無人救救我****你講到自己是犯人咁。出庭做証是一種亨受才對嗎！

首先我想問你係控方證人，定係辯方證人？
我相信你大多數係控方證啦﹗

1.去到法庭，到時控方有秘書點名，甚至會有你的證供副本俾你參考。時間要幾耐視乎案件複雜性，是否涉及其他證人（甚至專家證人）。若果案件簡單的話，一般法庭審訊庭都可能安排有一至三四件案件一日做，所以就要睇吓做邊件先﹗......即係睇你運氣，可能要一日，甚至再排期再審﹗（不過有證人費俾你，以補返你車費或其他，半日$140）當然若果當日被告人認罪，咁你咪唔使上庭俾口供，仲有證人費拎返屋企﹗

2.有事就要事先通知負責的案件主管，以便給予檢控官得知，若果你係案件係重要證人，咁法庭可能會再排過期。再者，你係重要證人而又唔到庭，法官可以出通輯令拉你上庭，因為你違反法官給予你的傳票命令﹗若你唔係重要證人，審訊可能繼續﹗

3.唔使驚，上庭俾口供時，檢控官會以問答形式引導你講出事實，若果真係唔記得就講唔記得，千祈唔好老作，否則就係俾假口供﹗

放鬆吓啦﹗香港人﹗

(1) 你只要準時在証人傅票上列明的時間地點出現就可以. 去到會有人教你點做. 大約幾個鐘.
(2) 唔去得要有一個好理由與及要及早通知法庭. 唔通知法庭而玩失踪會有可能被告蔑視法庭, 可被判監14日. 上庭時控方會俾番你份口供你睇.
(3) 唔使驚! 實話實說, 唔記得就話唔記得. 無問題架.

你會收到法庭通知書, 通知你何時出庭作證, 如區域法院或裁判法院, 你要在指定時間出現, 再等法官審理案件, 若有爭辯或其他新證據或經試過8小時後仍未能當日審理便要再排期審理, 所以不能說明時間要幾耐
你不可以用有事唔去得, 否則是藐視法庭, 你可要求, 但未必可以要到份口供COPY因已交法庭
你可照講, 因時間太久所以大部份已唔記得