父親節食飯?(10人左右)

近期首選以下私房創作的食肆餐廳,你不妨一試:

旺角 品味人生(摩登中菜) -- 類似私房菜(餸菜款式比較特別)

地點: 旺角彌敦道639號雅蘭中心一期6樓食閣B舖(地鐵E出口,揀雅蘭中心出口,一出左邊係雅蘭其中一個入口,入到去,搭升降機按5字,之後搭扶手電梯上多一層就得喇!)

電話 : 2789 8913 (晩市去到12時)

平時大約 $130 一位(已包茶芥), 已經食到好飽

昨晚我剛與5個朋友去食完，個個臨走都話要去攞卡片,皆因個個都話食物幾特別,味道都ok,佢有幾款唔同人數的套餐, d野食好多款式,份量就更超出預算的重(雖然每碟份量唔算多,但勝在碟數多,次次都食到攬住個肚走......

若你最終都係揀呢間,你哋記住要食:

頭盤 - 創意蟹子沙律脆盞
主菜 - 米網喇叭卷、脆龍脷件寶盒配泰式淡咖喱汁
鐵皮照燒西班牙鴨胸配燒汁、咖喱汁、黑椒汁或沙茶汁
餐湯 - 節瓜日月魚燉螺頭
主食 - 糯米飯、七味肉未撈米粉都好好食
另外仲有菜、雲吞伴甜酸汁好正呀、仲有甜品,我最鍾意芒果布甸及咖啡糕

佢父親節仲有推出套餐,不過昨晚冇留意有咩菜式,講真,若你正日去食,可能好多食肆都會分兩輪食,所以未必坐得耐,你可問清楚喎!

除咗呢點之外,呢間食肆附合哂你的要求,所以啱就記住快d訂位呀! 因呢間平時都好旺呢!

銅鑼灣世貿中心隔離既總統商場一樓有間
{自主味道} 好正架~好有home feel~環境又浪漫~
有各式扒類～意粉~拉面~超值套餐~
西式甜品(火焰雪山, 梳乎里~.~)激正~
價格（連套餐）全部ｕｎｄｅｒ　＄１００

客人容量：５０ｐｐｌ 電話查詢及定位：82019868

九龍灣去試新開嘅mega　ｂｏｘ就最好啦．多選擇，各種菜式都有．新到好少人識．好嘅番來講聲呀！

如果父親節食飯,我就覺得最好就去酒家啦。
酒家好熱鬧架,而且如果你o係餐廳度食,
可能要分開坐,咁就唔好啦。
旺角 彌敦道639號雅蘭中心5樓
有一間四川菜管,最出名就係食譚魚頭。
唔錯架,可以試下。
營業時間: 星期一至日上午7:45至凌晨1:00
消費: HK$100-$200
付款方式: 現金,visa,master
泊車: 附近設有公共泊車位
交通: 旺角地鐵站雅蘭中心出口
餐廳種類: 酒樓


日本菜得唔得呢......
旺角 富達大廈 板前壽司
板前壽司的魚生新鮮程序可以比美日本本地的壽司店, 不但好食, 亦令食客食得安心, 唔怕魚生有菌.,不過價錢比較貴。
餐廳種類:日本菜

Pizza Hut,去酒店食自助餐!