分娩過程~plx

我係自然分娩的，其實分娩的方式都有好多種，但如果在公立醫院生的話，多數都要你自然分娩，如果生唔到，先考慮用其他方法。但都有例外的，就係你的盤骨太細，又或者你個是超級巨B(10磅以上)，就可以開刀生。其他的分娩方式有：用鉗鉗BB個頭，用吸盤吸BB出來。

但我就應該是最可憐的一個，因為我個BB早產，所以唔可以打麻醉針，護士話如果打咗麻醉針，而BB又在4個鐘頭內出世，BB就會有生命危險。嗰種痛真係難以用筆墨去形容，其實生的時候，同剪的時候都唔係最痛，最痛的係搵個見習護士同你去連針，連幾多針我就答你唔到，但係我就連了15分鐘。

祝各位靚靚媽咪，有個肥肥白白嘅BB！

你係咪而家有咗??可以的話梗係自然生啦,生完可以轉頭落床,但吾係人人得呀,講明先...,自然生好似無咩麻醉藥,好似有d氣比你索,暈暈地果隻,但起碼無咁痛,連針呢一part我覺得手勢好重要,我生仔一吓都無嗌,但反而連線時就嗌,我諗係姑娘手勢吾得law,但時間好短啫,生仔都頂得住,呢part無問題啦,係咪..你有幾多個月呀?比心機啦,bb第日肥肥白白,goodluck!!