登機的程序

其實呢, 如果你係Marco Polo/Asia Miles既member, 或者你果張機票係E-Ticket既話, 你可以晌網上辦理登機手續架... 你只要去呢個網址:
http://www.cathaypacific.com/cpa/zh_HK/homepage?CX_FCN=CXHOME0_Home (預辦登機)
當你一log-in 左入去既時候, 你就可以睇到你張機票既行程表.. 幾多號飛, 目的地係邊度, 航班編號等等... 你揀好之後, 就要填你既護照號碼, 同埋護照既到期日... 之後呢, 個畫面就會出現飛機既坐位表... 有X既地方即係代表有乘客已經畫左果個坐位... 你可以晌空白既坐位上面click一click, 當你選擇好之後, 個系統會再同你確認多一次.... 如果無錯, 就可以完成整個check-in手續.. 記得要印返張確認書出黎, 因為你上機果日要帶架.........
圖片參考：http://hk.yimg.com/i/icon/16/26.gif

到你上機果日, 去到國泰航空公司既check-in counter, 搵返"網上辦理登機"既隊就可以喇.. 晌Column C, 近機鐵站果邊架..... 通常得幾個人排架咋... 你要出示返你印出黎既確認書同埋你既旅遊證件, 職員就會印返張登機證比你... 你就可以將寄倉行李放上個磅度磅... 如果唔超重既話, 你只需要跟住登機證上面既指示, 幾多點前, 去到邊個登機閘口登機就可以喇....
當你入左閘之後, 你會經過入境處既櫃檯, 之後你就會經過保安檢查, 你要將你身上面既野除出黎, 放落指定既箱入面, 如果無問題, 經過左個X光機之後就可以囉返自己既手提行李... 然後去搵返你要登機既閘口喇... 有一樣野要留意既, 就係個閘口號碼越大, 即係離開個大堂越遠.. 如果你既登機閘口既號碼係好大既話, 你要花多d時間先行得到去... 所以, 你最好預早入閘喇..
圖片參考：http://hk.yimg.com/i/icon/16/67.gif


2007-06-12 19:39:53 補充：
只要你係Marco Polo/Asia Miles既member, 或者你張機票係E-Ticket, 就可以網上辦理登機手續架喇.. 邊個地方都可以架...

證件：
來回機票或E-Ticket的行程表、回鄉證、身份證

程序：
在起飛大約2小時前，到客運大樓離境大堂登機櫃台辦理Check-in手續，將行李寄艙（請注意航空公司對手提及寄艙行李的重量尺寸限制，以及不可登機的違禁品）此時或需出示旅遊證件，機票或E-Ticket的行程表，完成手續後，你會獲發登機證。

跟著進入禁區，先利用身份證過入境處辦理出境手續，可選用「e道」；然後會過一重保安檢查，手提行李要過X光機。過了此關就入到商店林立的候機大堂，你按指示，在起飛45分鐘前去到登機閘口就萬無一失。

航班上會派發入境申報卡，持回鄉證人士應不用填寫。

飛機抵達上海後，你會先利用回鄉證辦理入境手續，然後才到指定寄艙行李提取處取回行李，跟著就離開上海機場的禁區，到達接機大堂。