什麼算是非法改車? 怎樣才算是合法改呢?

其實如果警方要針對架車有冇非法改裝, 通常會睇架車嘅廢氣排放, 噪音排放(香港法例第400章), 外觀, 安全(如自行拆除座椅, 配安全氣袋嘅馱盤等), 咁去衡量, 涉及好多方面, 都好複雜又可以好主觀咁要求你去驗車.
至於你提出嘅問題:
1, 車胎: 你係唔係想講換大輪圈, 加上薄車胎呢? 只要條輪圈唔好突出車身出面, 比登記汽車嘅本身規格嘅闊度闊嘅話就冇問題. 如果真係換輪圈連換車胎(唔用薄胎換大幾寸, 令到直徑加大的話, 就小心速度計唔啱, 揸快咗都唔知比人抄超速
2, 車頭尾燈顏色: 去http://www.legislati on.gov.hk/chi/home.h tm 睇第374章道路交通條例, 第89至92條有講汽車頭尾燈顏色規格. 唔啱就係犯法!
3, 貼紙/花紋: 只要你架車嘅車身有50%以上嘅顏色係向運輸署登記嘅顏色就冇問題.