美乎新村買唔買得過, 定係買新樓好D?

我係地產AGENT,可以俾少少意見你:

美孚新村,我個人覺得真係唔錯,又可以養狗.我帶客睇過及成交過好多單位,間隔極之四正實用,交通購物都方便,但係,屋苑維修真係麻麻地,外牆及大堂等地方望落好殘舊( 第8期除外 ),觀感不佳.
仲有,樓齡真係有番咁上下,裝修費及大廈維修基金都要預定一大筆錢,業主盤通常裝修都係麻麻地,炒家盤D裝修手工好求其,住得一年半載就會出問題.兼且,樓底真係好矮,得8呎,唔係個個可以接受.

新樓,如雍雅軒,盈暉臺,曼克頓山及四小龍( 碧海藍天,宇晴軒,泓景台AND昇悅居 ),樓齡新,會所齊全,交通都算唔錯,但一定要接受實用程度無美孚新村咁高.

四小龍要買野就比較小選擇,屋苑商場唔多野揀,買濕貨要去海麗村街市,但價錢合理.

曼克頓山就真係價錢比較高,但樓齡最新( 未入伙 ),間隔四正及樓底高,又係新鴻基樓,質素有保證,交通購物同美孚新村一樣方便.

盈暉臺就吊腳少少,買野方便程度一般,但樓齡算新,同埋樓價算係OK合理.

雍雅軒就交通一般,但近葵興,全新樓就快入伙,有會所,但環境就真係非常一般啦,四周都係工廠,除非住30幾40樓以上啦,否則都係望樓景.和宜合道附近都有商店及食肆可以選擇,但價錢以新樓來說都算平.

如果你有問題,可以E-MAIL再傾,MY [email protected]

其實真係好視乎個人選擇 ka 咋喎. 呢類大型屋苑, 地點適中. 交通方便. 又有地鐵. 故永垂不朽 ka. 有線做個套"樓盤傳真"都話. 無論樓市係點, 美孚都係最多交易紀錄 ka lor.

佢地實用面積夠 ma. 新樓一般都比唔上. 不過買左真係要執執 lor. 要預多一畢錢裝修.