學鋼琴年齡一問

我就覺得係睇你想學到咩程度囉, 如果你想做第二個朗朗咁就困難D...
鋼琴幾多歲都可以學, 但你可能會比小朋友學得辛苦D
第一, 手指已經發育完成, 可能冇咁靈活, 或要俾多D時間去練到手指靈活
第二, 二十歲應該要出黎做野或讀緊大學, 一定冇小朋友咁多時間去練琴, 可能要用耐D時間先彈到一首歌

鋼琴其實唔需要天份, 只需要努力, 肯練習就一定彈得好
當然都要俾感情去彈, 但呢D就去到7-8級既境界, 你呢個stage唔需要理住
所以如果你係想彈下歌仔/流行曲, 就絕對冇問題, 只要肯練就得喇!

樂理分五級同八級的, 要另外上堂學&考試
五級樂理係當你準備要考六級琴試時先要考既
如果你唔諗住考級就唔使學喇~~基本上你去學琴時, 老師都會教你基本既樂理知識, 如五線譜, 拍子快慢/強弱, 音樂符號等等, 都足夠你去睇譜彈歌仔的

去邊度學都冇乜問題, 應該話學琴係跟老師, 唔係跟地方
如果去通利/柏斯呢D大琴行的話, 老師既quality會好D, 但相對價錢會比較貴, 同埋可能要就佢既上堂時間
我會建議你去細D既琴行或搵老師上門教授, 而家人都周圍去教琴, 要搵人教唔難, 可以去一D tutor網或百佳惠康貼出黎既告示去睇, 如果你覺得果個人教得唔好既, 咪再換過個老師囉~~
有D人會去工聯會開琴, 佢地係小班教學, 唔係一對一, 壞處係你有問題時未必可以即時問到老師, 但好處會迫到你練琴, 因為有好多人聽住你有冇彈錯!

我係自小學琴的, 一開始去細琴行, 然後個老師唔做, 跟佢出黎學, 多數係佢上我門, 有時都會去佢屋企學咁~~不過學到7級就冇學喇...因為當年要考會考, 冇時間練同上堂...到而家雖然冇學, 但得閒都彈下歌仔/流行曲

希望幫到你! 我有朋友係港島教琴, 你有需要可以send個email俾我, 再聯絡佢

如果你想做演奏家，20歲起步當然太遲。自娛的話，永遠不遲。
去邊到學不是大問題，最重要是個老師好。可參考呢個網http://tutor.lemongrass.hk
可以先學琴，老師通常會一邊教琴，一邊教基本樂理。學一段時間後才正式讀樂理都未遲。

20歲係遲左少少...不過你有心學就唔會遲...因為成人學琴會比小朋友專心...只係冇佢地咁靈活....但都唔會好差既....你要加油呀
學理....你學琴時會教理...不過都係好basic....你學到四五級琴就會另外學學理....所以唔洗擔心....
你可以去琴行學..或搵私人老師學...
如有興趣都可以聯絡我[email protected]

有個老師可以介紹比你, lee 個老師教得好好, 好有經驗, 你可以到下面網站看看.

http://rockyku.no-ip.com

如你努力日日用心去練, 絕對有成功的一日既, 但好睇你對成功一詞的理解~~究竟係考到8級叫成功丫, 又或者只係彈到某d歌叫成功丫, 定係彈到好似郎郎咁叫成功呢, 如是後者, 當然係有點遲啦, 但前兩者絕對可以用努力搭夠....如只是想學點音樂來充實自己, 那麼任何年齡都唔遲啦

有時成人去學樂器, 最大問題並唔係年齡問題, 而係要花時間去練習, 對好多人來講, 呢個係最大障礙

樂理當然要學啦, 但你初學琴, 又唔洗即刻報讀埋那些樂理班既, 因學琴過程中都會學到d學理架, 慢慢來啦

邊到學都無所謂, 最重要搵到個好老師

有心唔怕遲，我26歲先學，學佐兩年，都ok，不過都辛苦o架…

我有個朋友23歲先學，5年俾佢考到八級，所以有心唔怕遲…

老實說，二十歲學琴的年齡不適而，你可以學到，不過你可能達不到某些境界。

但當然若你鍥而不舍，總會有成為大師的一天，不過時間就長一些。

若學琴不懂樂理只是徒然，你想想，若你不懂樂禮怎樣看懂五線譜，又怎樣彈奏呢？

經驗告訴我同時學樂理和學琴會事半功倍。