✔ 最佳答案
其實這個有三個可能性:
1)係硬件問題。天時暑熱部電腦自己又發熱,開左機無耐就會出現共鳴OverHeat現像。你有幾耐無幫部電腦通行例行清潔吸吸塵?試下打開個電腦機箱,用吸塵機吸下D所有散熱用的風扇,再檢查一下呢D散熱用的風扇轉唔轉,唔轉佢可能已經壞左要換過!看看情況有否改善?
2)都係硬件問題。你近來有無更換過或者郁過D硬件?有!可能係新裝既裝置有問題或者未裝好,試下先移除它再開電腦,若成功入到WindowsXP才再試重新安裝那硬件到機箱內;沒有!咁可能電腦內的裝置接線鬆左,試下插實返所有既硬件,尤其係D咭,看看情況有否改善?
3)呢次係個WindowsXP有事囉。實際應該係個HD內的File Allocation Table亂左。而家D硬碟下下一百幾拾GB行單碟片,若然你間唔中玩"強行關機"呢類動作(無論係因乜解究)都會好容易咁令到個HD突然停止同開動,HD內的File Allocation Table咪會亂囉。而家咁既情況唯有重新安裝過部電腦先可以解決問題了。你試一試啦^_^