狗瘟熱的血清療法

唉~~去到呢個階段, 其實已經好嚴重啦! 我年半前養過一隻查理斯BB, 又係有狗瘟呀, 情況同你嗰隻差唔多..........最後都救唔番.

其實狗瘟係一種好致命同埋反覆0既病, 就算醫番好, 可能都會有後遺症, 呢樣你要有心理準備.

呢個病, 針藥固然緊要, 但牠的求生意志更加重要, 所要你要支持佢呀! 你千祈唔好放棄佢呀! 佢知道你想放棄佢的話(佢感覺到架), 亦會冇心機打呢場仗架.

我想問佢肯唔肯食嘢呀? 佢果佢肯食嘢, 即係表示佢仲有求生意志, 好想生存落去. 所以你無論如果都要餵佢嘢呀!

另外, 你要對佢講多啲鼓勵的說話, 譬如 : 加油呀! 我知你好叻架! 堅強啲, 我唔會放棄你, 所以你千祈唔好放棄呀! 我會一直喺你身邊支持你. 佢感覺到你咁錫佢, 一定會努力打贏呢場仗.

仲有, 佢有抽搐現象, 其實佢好痛架, 可以的話, 幫佢按摩吓個頭同啲手手腳腳啦, 咁會令佢舒服啲架. 此外, 如果可以的話, 最好廿四小時都有人照顧佢.

記住, 你對佢的愛, 就係佢最大的求生原動力.

祝你的狗狗早日康復, 快高長大. 你同佢都要加油呀! 我會為你哋祈禱.

血清我就未聽過, 不過我隻狗狗已前都試過狗瘟, 之後醫返, 但自始就吾可以比佢出街, 因為容易感染 ! 你隻狗狗去到呢個情況, 想信醫返之後都非常麻煩 ! 你一定要有心理準備 ! 但係你一定要支持佢, 佢會知架 ! 或者你可以試下有佢去 "西貢" 既 西貢動物醫院, 我隻狗狗都係佢地醫返架 !

祝你隻狗狗早日康復 !