(極急!) 香港特區護照一問

你可以去試下......... 如果urgent, 一日都可以.......

仲有.......... 每日都會有walk in 名額........ 你可以0係開門時去.........

有就有幫人做快証,但入境處會要証明為做這個快証的証明文件,如果是為了去旅行做快証,就算你有旅行團收據証明要趕著去旅行,入境處都不肯做(已經說了不會幫人為去旅行做快証),之前亦已經有人說過外國親人離世要去葬禮,入境處都要看死亡証之類,結果那人都一樣做唔到快証,

如果好急,唔好等預約了,因為你上網會見到最近有期都要2星期後,如果等預約2星期後上去做,再10個工作天,即是由現在起1個月才做到有証了,....

你早上去灣仔入境處做啦,佢不用派籌,所以不用好像其他入境處要派籌,會驚無籌,我今日才幫阿女去灣仔果間拿回本做好的証,我今日11時到,見個窗口都照幫來緊的人做証,都還未截人,....



而如果你以前申請過bno ,好似有快証做,聽人說5日做到,做一定要去英國領事館做,兼且bno好貴,差不多成千元一本....





我5月26日(星期六)去灣仔果間同個女做特區護照，一過橋去見好多人排緊隊，我就拿拿聲唔好執輸排埋去先，就問前面果位是不是排做護照，結果傾傾下前面位太太就話佢之前就是寄去的，怎知相片不對打回頭，咁佢就親身來做了，因為怕如果又有細節做錯又打回頭就會趕不及去旅行了，



我個女上星期六５月26日到了灣仔做特區護照,6月11日就可以取回了


因為佢學校攪要6月20日去韓國,但太早時又未知佢有沒有份(所以無謂幫佢去白做護照住),

而又兼且佢老師話包同佢地做護照,



但怎知上星期才臨時又話叫我地自己去做,

我上網想話預約,但最早都要兩星期後才有期,做得來又要兩個星期,咁就變了要一個月後才做到,到時都趕不上6月20日了,


所以我就在星期六帶佢去灣仔做,因為在於見預約地區是沒有灣仔那間的,所以我就想,嘅然佢無得預約,咁就多D籌啦,而之前又聽過人地話沒籌的,只要在辦工時間到來都做,所以我就選在灣仔做了

(本來是想去油麻地做的,但聽D人講話D內地人幫BB做完出世紙,又排去做証,所以怕D籌會好緊張)


我星期六去到時是8時2個字,由對面馬路過天橋去到入境事務處大樓(過到去是位於2樓的),唔駛上樓住,因為未夠鐘,所有人都在下面排隊,好多人,我都排到出面出口,入面大堂打晒蛇餅,

我入去看,見起碼超過200人,就心想會唔會沒籌呢,我見問D職員有幾多籌,我話計計會唔會爆籌沒得做,咁我知道幾多籌,可以數數,爆了籌就拿拿趕去中環果間做,但個職員只是說你排啦....

跟住8時3就開始上樓了,D人各有各去自己要申請嘢的樓層,我上了2層就到4樓了,拿拿聲趕去窗口拿飛仔,張飛排第6號的飛仔,再望下不是太多人(而且見佢地已經幫人做緊了,所以並不是見到話星期六的辦工時間9時至11時半,因為佢8時多已辦緊工了),

阿女早早在家已填好申請表,否則現場填表,叫到號數我都未填好表,真的好快,叫我埋櫃位收了表格 証件 辦手續,再叫我坐低等交費,叫交費了,交完錢可以走了,時間是8時45分,阿女打去問佢D在油麻地排隊做護照的同學,話比佢地知我地做完走得,佢D同學聽到都呆了,佢地連籌都未拿,還正在排緊隊當中,.....



** 而我地早上搭緊車去灣仔時,7時11個字 阿女個同學打來說佢排緊隊,好多人打晒蛇餅(當時還怕沒籌做不到),....咁當我地在交完表等交錢果時,先見櫃位叫佢同學去做,咁我問阿女,你同學早過我地好多的,怎麼現在才叫佢,佢比我地還後咁多,我個女話佢地行錯上了上面,再找路落來所以遲過我地,咁我話就是啦,由下面上來我都有數住的,應該去4樓就上3層,但上了2層又見佢D字寫著辦護照的,而阿女又見是4樓,否則我都有可能快快上了去....


我個女15歲,埋櫃位時職員要看阿女身分證 我身分證 出世紙正本 我結婚証書 阿女一張相
後來職員問我有沒有影印出世紙,所以比埋佢,本是之前聽說過小孩申請要帶手冊(我記得以前幫小孩做回港証時都要收手冊的),但職員又比番我唔收(但小孩去做最好帶埋唔好駁了,我自己每次做証什麼狗屎垃圾都帶整,帶多好過帶少了,阿女有個在油麻地做証的同學就是少了家長簽名,沒得做,又要明天請假去做)

費用16歲以下32頁 185元
16歲以上 32頁370元