自製玩具比倉鼠玩?

想自製玩具既話,最好用一d紙質去整,因為紙較安全整木之類既話好易有刺.紙質都要留意唔可以咁銳利,唔可以有釘書釘等危險物品留在紙上.

最方便係用零食既盒,當然要乾淨啦,好似用紙盒裝+膠袋既零食,食之前拎起個紙盒就會乾淨好多.
用盒開一d孔俾鼠鼠爬唻爬去.都可以廁紙筒,當然要比鼠鼠大,唔好太勉強先入到去,唔係卡住左就麻煩啦

記得留意因為鼠鼠好易會令紙污糟,所以好快要更換,唔係既話好易滋生大量細菌,令鼠鼠有皮膚病,肚瀉等問題,所以自製玩具係有一定既問題,要好小心同細心處理先得.

如果想買玩具既話,可以買鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩.
木製玩具可以俾鼠鼠磨牙同磨爪,又易清理,又耐用,所以係唔錯既選擇

又有木制既食物盆,要鼠鼠自己開個蓋先食到野既

唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?
所以我就覺得呢款玩具唔係幾適合鼠鼠玩既.外國都有書本話呢個係危險玩具,不過我就唔記得本書名啦.

買仲好啦,好難整