6月尾去韓國有咩注意?

✔ 最佳答案

六月尾應該開始熱,但都唔會有香港咁熱,同埋會開始雨季....

如果食,我推薦明洞餃子碗"扁麵"(국수),但佢籠餃子如果唔係好想食可以跳過,我唔覺得佢真係特別好食到一定要食,但如果你俾韓國0的辣0野折磨左幾日又想搵0的唔辣0既食下,咁呢個無疑係一個幾好0既選擇....

烤肉(불고기)都要食下....尤其如果你搵到係炭爐0既話,咁幾貴都要試下....烤肉0既話牛一份大概係豬三份0既價錢....同埋基本上至少要兩人份,好少餐廳願意供應一人份....我上次試0個間好好食,上過好多間電視,但因為唔係近遊客區....專登去好似有0的煩,所以就唔介紹喇

再0黎係食韓定食....係景福宮附近有一家叫谷穗黃了(배동받이) 0既韓定食餐廳 (四十道菜,￦17,000一個人)....不過都幾難搵到,0個邊0的路好九曲十三彎,而旅遊地圖又通常無講細路....你可能要問下人....如果唔係去梨大시골밥상(鄉間飯桌, ￦5000一個)都可以試下, dunkin dounts旁邊三樓,梨大正門左邊往新村方向....不過呢間唔係咁正宗,但會易搵好多同平好多,搵呢間要抬高頭搵橙色招牌....

仲有如果你去開狎歐亭....一定要去狎歐亭地鐵站二號出口後面0個到有一檔街邊檔賣雞串....呢檔有上過MBC電視0的飲食節目,係我係韓國食過暫時最好味0既雞串,不過都係最貴要成2000won一串,普通0個0的1000-1500won就有交易....一分錢一分貨真係無錯....好似夜晚先開檔,因為我試過日頭經過都唔覺眼....反而成十點行過先遇到

行程有去愛寶樂園0既話可以去食佢0既海鮮炸醬麵,好好味....但唔好係佢巡遊時去,因為佢會熄曬燈,咁你就食乜都係黑媽媽....

如果鐘意食donut,我極力推薦dunkin dounts,唔係太甜0岩香港人口味,呢個隨街都有舖,或者機場禁區都有(好似係38-44閘口0個邊)

買0個方面,如果係外國牌子,而係香港又有0既話,通常都係香港平0的,可以唔駛咁遠拉番0黎....買化妝品可以唔一定買langie,因為都係七-八折到,如果去番langie自己間舖仲好似都係八-九折到....同香港買水貨差無幾....0岩0既話買skin food,etude house同missha就真係平好多,差唔多四折....skin food一盒黑糖mask係香港$165,係0個邊$70都唔駛....仲要有好多sample俾....credit beauty0既0野都好好用,尤其佢支蜜瓜味洗甲水...佢有一隻米0既mask,都好好用....買呢0的最好係梨大話或明洞買,因為sample會多好多....

買普通手信(紫菜,蔘茶,柚子密....)可以去地鐵首爾火車站(426 서울역)上面間lotte mart,呢到係韓國人平日去買0野0既地方,好似大百佳咁....所以0的0野會平0的,唔好去南大門買呢0的手信,唔知價又唔講價好易俾人呃....尤其買人蔘,好易買到吉林蔘而唔係高麗蔘....但如果要買蔘呢度就會無,咁去番明洞間樂天百貨買就可以....手信0個方面真係可以試下雞泡魚乾,香港少有得買,而且味唔錯....唔駛下下都買紫菜魷魚嘛....

如果外食0既話物價都幾高....最平就係食紫菜捲飯,1000won一條....其他都多數4000-5000won起跳....但佢0地0的0野我總係覺得好食0的嫁,少味精,又鮮甜0的....而且又一定有配菜,所以係物有所值....

坐車就同香港差唔多,地鐵基本上唔係去得遠都係1000won一程(有t-money card就900won),大不了都係1500won左右....買0野如果要退稅記得係睇到有tax refund貼紙0既舖頭問佢拎番張退稅單,你唔問佢唔會俾你....有得退稅0既有lotte同missha....其他自己留意下

2007-06-11 22:44:31 補充：
sample要睇邊間舖嫁....除左要睇地區,好似梨大明洞最多之餘,仲要睇係邊間舖....the etude house會有好多你唸唔到0既0野送...我試過有沖涼用0既海棉刷,有鏡,有化妝袋....你真係估佢唔到....係missha就試過拎到安全洗潔精....你如果買得多0野可以開口問佢拎多0的sample嫁,呢個唔駛怕醜,sample你睇落唔0岩用都可以換....同佢講"sample more",佢0地會聽得明....反而講完整句佢0地會聽唔明....所以我都係用番韓文....因為覺得咁講英文好奇怪....係得耐韓國都覺得自己0的英文恐怖左....

6月尾去韓國 有咩注意?

回答 (2)