威利國際一問...

呢隻我由2月Keep到依家lu~ 睇住佢三次挑戰半年新高0.168都失敗, 最近才升破0.168, 直升0.18~~ 曾經跌到0.10x我都無賣, 今期終於守得雲開lu~~~
廢話講完, 呢隻野始終要小心, 財技股, 任何基本及技術分析都對呢隻股或者係呢個系(包括412, 279, 901等) 都唔適用, 因為呢d股係莊家股, 你要識企位, 企係莊家o個邊自然有錢賺~~
有人話呢隻會升到0.3, 有人話升到$1都有, 但係我由2月聽到依家, 結果都仲係0.1x (當然唔排除佢真係可以升到咁高, 但要睇莊家點玩~)
好的方面, 佢依家手頭上有8億現金, 係cash!! 所以跌極有限, 因為蝕本的資產上年已經全部賣哂, 最近想投資地產和資源, 但一直都係無乜進展, 不過相信短期內會有消息公佈, 自然會刺激股價向上~~
同埋, 莊家密密增持273, 今年雖然配股數次, 但係都有大戶或基金接哂貨, 聽聞很少流入市場, 而最近Evolution Capital Management Fund都現形, 持股量超越5%, 相信佢係莊友堅(持股量8%左右)d fd~~
莊友堅係威利主席莊友衡個阿哥, 佢由2月中密密增持威利, 持股量曾去到12億股, 但傳聞fund佬要貨, 所以莊生4億股讓俾fund佬, 作價仲要係莊友堅的買入平均價~ 可想而知, 威利暗地搞革命~~
雖則如此, 以上我打了傳聞或聽聞的有可能未必係真事, 所以有機會係扮野想抽水, 有人話配股後的大戶已經係高位(如0.168)時派哂貨俾市場接哂 (此假設乃基於威利前身的互聯控股(273), 此股99年至01年配股10次, 供股1次, 合股2次, 玩死班小股東, 1仙入貨都死~), 存有悲觀的想法主要係基於此事, 有人曾經玩此股而蝕到入肉~~

個人意見, 此股現價0.17, 是近半年新高, 若能夠配合大成交企穩或再升, 你可以試坐順風車~ 若星期一跌破0.16, 則勸你持觀望態度~ 待跌至莊家支持位及最近配股位0.126附近才上車~~

why not consider 412 lei....????