急~~倉鼠不願食野~

你隻鼠係剛養冇耐既?因為鼠鼠咁細小,所以初轉環境時,都需要時間去適應,初買鼠頭2,3天最好就唔好打擾隻鼠,唔係既話好易令鼠鼠驚左你.
鼠鼠好鍾意食野,有時驚都會冒險去食,好少話寧願餓,多數會係好驚好驚or身體唔舒服

咬人既原因如下:

1)鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間啦!
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀.

就算買返唻一段時間,都不如試下由頭做起,俾多d安全感隻鼠鼠先啦.
你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
等到你地熟d,好易會做到你一行過佢就行埋唻or冇咁驚你,之後你可以試下伸隻手入籠隻俾野佢食,再熟d再試下掂佢抱佢啦 慢慢唻,俾d耐性,俾心機啦!

2)鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3)有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人.

4)太餓,唔夠野食就會亂咁咬,搵野食,但你只要有放正常既食物落去,基本上係冇問題既

5)你手有食物既氣味,鼠鼠有機會會誤以為係食物而咬落去.

6)懷孕既鼠都會特別精神緊張,從而成日咬人

一般混合既主糧入面,瓜子只係佔一部份,而鼠鼠大多數都係好鍾意食瓜子,所以你一加糧佢揀晒d瓜子出唻食係好正常既.
你可以試下就算見佢最初揀晒瓜子出唻,只要你唔好立即再加瓜子落去,等佢再食其他種類先,到差唔多冇啦,先再加糧落去.冇得俾佢揀佢都要食其他食物,慢慢等佢習慣唔好偏食.唔好諗住錫隻鼠就俾晒佢鍾意既野佢食,咁對鼠鼠反而會唔好.
只係食瓜子會太冇營養,因為好易做成肥胖,過肥既話其實好唔健康,好多病都會因為咁而有既,所以唔好亂咁俾野鼠鼠食,我覺得只係俾混合主糧已經好足夠,主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病.
糧食方面都要留意好多人既食物都係唔適合鼠鼠既,甚至蔬果我都覺得唔好,原因如下:
1)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.
2)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.
3)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份,又或會對鼠鼠係太刺激食物等,食得唔健康好易病既.

最後,睇到有人話俾朱古力鼠鼠食,其實絕對唔可以既,亂俾鼠鼠食野,會令鼠鼠唔舒服,就算冇即時既反應俾你睇到,都會有後遺症,例如,太甜食物令膀胱發炎,腮有膿瘡,肚瀉,蛀牙,偏食,痴肥,肥就會引起好多好多問題,鼠鼠係知飽既,所以唔洗太擔心會食過多,但就唔好亂俾野鼠鼠食

2007-06-10 16:40:10 補充：
被鼠鼠雖然冇咩問題,除非係對倉鼠敏感,但最好被咬完消下毒,再貼膠布,避免傷口受到感染

(以下係本人個人小小經驗)
我個人意見唔好只比瓜子鼠鼠食~~
我有隻倉鼠一個月前肚瀉,之後帶去睇左兩次醫生,第一次a醫生話肚有d粒粒野,可能食滯左,要我小心選食物比佢,仲比左包對腸有益既營養粉,開水比佢飲;第二次b醫生就直接叫我禁止佢食瓜子和雜糧,只可食乾糧,而且仲要幫佢減肥.....
因瓜子佔水量高,好似仲有膽固醇,我最初就因為見佢好鍾意食瓜子,就不斷比....結果....肚痾....人肚痾食藥好快無事...但倉鼠肚痾可大可小....嚴重可能會死....
唔係想嚇你...但依家我隻鼠鼠就係咁...我都好擔心佢....
我養倉鼠經驗唔係太多...但希望幫到你啦...
你擔心佢唔食野,所以比瓜子佢食....佢又咬你女朋友的手....
咁你就盡量唔好直接碰佢,隔住個籠比食物,等佢熟識主人的味,再過一排先放佢出籠;如果佢仲繼續咬你,你就捉住佢,用手指拍一拍佢咀(當然唔好咁大力啦),等佢知道一咬人,個咀就會痛,慢慢佢就唔夠擔咬你...但你自己最緊要唔好驚比佢咬lor,佢咬你,因為唔識你,如果佢咬你時你大叫或拿開佢,反而令鼠鼠更驚....
野食方面,你一日最多比十粒瓜子好啦,你隻鼠鼠應該有些偏食,那你逼佢食倉鼠糧,你放些倉鼠糧係籠度,佢就算唔鍾意食,但肚餓時就會找食物,唔鍾意食都會食(主人當然要恨心d),你定時定後再比瓜子佢食,作食倉鼠糧後的小食,這樣比較好
俾心機養啦~~當佢係你仔女照顧,你開心,鼠鼠又開心^^

您好,

你只係比佢食瓜子就ok , d店員叫你買咩雜糧 , 其實冇咩用 .

"還因餓咬到我女友隻手流血" ,有兩個可能性.
1. 倉鼠好多野,佢好奇都係咬,例如你隻手指.
2. 佢覺得你攻擊佢..例如你用手指野佢,佢痛就會咬你

"佢情願餓都不食" , 倉鼠唔會咁,
佢會吃哂自己愛食的東西如"瓜子" 吃到吃唔落就唔食,
到佢中意食的野冇哂,佢先會食佢唔中意食的東西.

另外,大部分倉鼠都中意瓜子的,個別倉鼠會有自己中意食的東西,
我有隻佢仲中意食朱古力..^^

最後,你唔使點理會佢地食唔食..因為佢地平時會食好多野,就算唔食好多日都唔會有問題.
同埋,你唔好一次比佢地食咁多..我試過一次放左半包約200G到佢一個星期同我食哂 = =
本來可以成成個月... 所以最好分開一日一次或一日兩三次小d小d咁比佢地

我,最高一次有三十幾隻..一個食成三百幾蚊野 - -
依家都只係一兩隻咁養.

你最好比佢食瓜子啦......
我之前有個鄰居, 佢都係俾佢食瓜子......隻倉鼠就會聽聽話話...
可能係隻倉鼠食o左d佢認為好好食ge野(瓜子), 所以就開始偏食...因為d倉鼠真係好鍾意食瓜子ga~~~所以美食當前, 佢一定會選瓜子......
而且瓜子d價錢都唔係好貴......但係記住, 唔好買炒過o個d, 佢o地好似唔食ga~~~