想租新界屋~有冇介紹?

老實講....如果你哋兩個月入約有共一萬，
都真係好緊喎，你計下:
租金4,000 + 日常開支 + 一日三餐全部都係靠自己無得再靠屋企人，
正所謂"一闊三大"，在家千日好呀！
另外....當然明白你一定係想有自己既私人空間，
因為我自己都係，不過自萬不要太過勉強，否則會令到自己不但無晒錢，
可能仲要欠人錢架！

想租新界既屋，你可以去http://www.yl.com.hk/house/index.htm睇下，
租/售 好盛樓408尺極旺近教育路,賣62萬,租3500
屯門虹橋多寶大廈高層東南324呎連租約2800元

又或者可以直接去d地產舖問下，可能佢哋有盤架。

唔好以為村屋一定好平，如果兩個人住，約400呎一房一廳都要二千以上，但交通就一定要轉車才到西鐵或巴士(出市區的巴士)，年青人常在市區活動和返工，無車一定唔方便，但有車開支就大了，除非你的社交活動，家庭生活都在同一區。所以考慮清楚，要租村屋我有間在天水圍附近，因為我係地產代理也有其他盤。我唔係有生意唔想做，但你真係想清楚，好多外區人都好理想，以為村屋自己有好多獨立空間，有圍牆，種花養狗，泊車入花園，可以招待朋友BBQ，幾分鐘行到西鐵站等。事實有這類屋，不過唔會有人放，放亦都係很高價或樓齡很高的屋，或者較遠，揸車十分鍾到西鐵站！要知道揸車三十分鐘已到中環。

試去錦田啦！因果度好多新村屋落成，大約四千至五千元左右。因好多係新，所以唔會溶溶爛爛。村屋養狗最好選擇地下連少少花園仔，果度交通OK！有西鐵。手續通常係上期一個月連兩個月按金。即合共三個月，例如租金係$4500，即$4500×3計。