我要一d分手後復合的例子

我係當事人, 不過復合左個零月 only..

1. 分開四個月再一齊

2. 嗰陣男朋友話佢覺得我唔係佢要搵既人..(冇第三者), 但佢覺得應該有機會遇到一個 100
分既女仔..覺得遲早都會同我分開..唔想拖喎..

3. 分手後..我同佢都間中會見面..亦會傾偈..大家都會關心對方
有次我地食飯..傾下傾下, 又覺得我地好夾, 食完飯大家都好有依依不捨既感覺..
feel 到都仲係鍾意對方, 始終只係幾個月..好難話完全冇哂野..就想再試下..可唔可以再一齊

4. 坦白講, 我覺得再一齊之後, 有幾樣野唔同左,
a) 同佢屋企人冇以前咁好, 佢同我屋企人關係更加差..我屋企人因佢傷過我心, 所以對佢印象差左好多
b) 唔係太想講俾周圍 d人知..始終再一齊太短時間..佢啱啱畢業..都驚我地唔可以過到佢搵工..開始做野呢關..所以而家彷彿變左地下..
c) 分開..又一齊..我學左好多..
再拍拖開心左..成熟左....
或者我以前太認真..(我地一拍拖就係真係諗住會結婚, 我年紀比佢大..已經做緊野)
佢受到周圍既壓力..而佢又真係諗野未定性..鍾意玩, 唔鍾意有人管, 我覺得自己超級鍾意佢..佢就一般鍾意我啦..
而家, 我覺得自己有少少保留..(唔係一黎就話要結婚嗰種)
唔會日日夜夜都諗住佢..開始成熟 d 拍拖, 有自己既空間, 有自己既活動..
見面既時候..發少 d 小姐脾氣..覺得而家既日子真係 bonus
佢都同我講..而家我地相處開心左好多..
我諗我地好好彩..因為我地唔係因為第三者分開..只係自己既問題而分開..所以先可以再一齊..

2007-06-09 22:26:40 補充：
除左大家會珍惜見面既時間,仲有..好重要就係我清楚明白..永不會好似以前咁..小小事就嗌分手..因為呢個已經成為忌諱..同埋我覺得呢條路唔係好盲目咁自己一個人行..以為自己諗既係為佢好佢一定要鍾意而家我好講求大家有共同既步伐

分手幾耐之後復合
盡快。以免大家有機會令感情淡化。

咩原因分手
最簡單：想大家冷靜下。

咩原因引導大家復合
發覺無左對方好唔自在，唔可以無左對方

經驗分手同復合你覺得大家相處有咩唔同?學會左d咩?
分手令人感覺到一個人既自由，復合令人可以比多個機會大家最得更好。

我都想同我愛既人復合返，可惜大家心裡都有條刺。

1 about half an year
2 the boy love the other
3 the boy who love don't love him
4. I think both of them will not easy to trust other again