點解唔可以係o岩o岩天光、黃昏或海水混濁o既時候游水

哈~好簡單o者...
上面人兄講o岩一半啦...
不過依家所有沙灘...當然講康文署設了防鯊網的沙灘啦...
都裝了十分安全的防鯊網...真係未聽過依家仲會有鯊魚咬到人...
我一句句講你知...
切勿係冇救生員當值：你浸親未無人救你，你受傷又無人幫你急救
懸掛鯊魚旗：鯊魚旗依家都只係收藏用，不過如果防鯊網外面發現鯊魚，為泳客安全著想都有可能掛鯊魚旗，下藍上白中間有條鯊魚形狀的旗
紅旗：最近紅潮好多沙灘都有掛紅旗，係叫人唔好落水，仲有如果海水受到污染，被評為4級水都會掛紅旗，或者場地主管認為有危險危害泳客安全，打颱風等因素都會掛紅旗
o岩o岩天光：救生員都未開工啦...同第一段解釋一樣
黃昏：救生員都收工啦
晚間：就算黃昏有泳客救你，我相信晚間一定無幾多人游水，真係沉o左都有排搵
海水混濁o既時候游水：好易踩野界傷腳，我係沙灘成日都要同人處理傷口，仲有睇唔清有咩野，撞到水母都唔識避啦

無記錯呢段宣傳片係ｏｎｌｙ係夏天先播既，香港既夏天會有機會有鯊魚出沒，所以所講既都係叫人預防鯊魚既．．．

加上係岩岩天光、黃昏、晚間或海水混濁既時候游水會有一定既危險，政府既宣傳係叫人小心有鯊魚既出沒，係岩岩天光、黃昏、晚間或海水混濁既時候，人係海到游水會睇得唔清楚有無鯊魚或有無危險，相反鯊魚可以係呢ｄ時候感覺到有生物游動緊，係人類睇唔清既時候就等於比左機會鯊魚接觸或攻擊人．．．