北京自遊行

你可以住酒店,我介紹一間比你,168-200元,又平又正,d裝修好似而家傢俬!你去呢個website 睇下,選擇好分店,然後打電話去訂房,呢間係連鎖店全國都有分店,之次次上大陸玩都係訂呢間酒店嫁!
行程,你可以在火車站買張地圖,如果去天安門同故宫搭地鐵就去到,如果去長城,就搭的士去德性門,果度有12號巴士去長城,20蚊一個人,小心d問清楚,有d司機會話50蚊嫁,問都幾架呀知嗎!至於頤和園搭的士啦唔係好遠30幾蚊!食方面就唔洗擔心酒店隔離大把食市,(狗不理)好好味嫁!
希望幫到你!最後:祝你旅途愉快!

2007-06-09 16:39:43 補充：
呢個係酒店既website: http://www.homeinns.com/

樓上的「黑妹」建你係住的酒店係幾好架，全名係︰如定快捷酒店，係全國的鏈鎖酒店。
我2003年去北京時，都係住呢間酒店，不過距係北京的分店好多架，自己行的話，強烈建議住它的前門分店，因為離天安門、故宮等景點好近。

以下網站有它的評價，可以參考下，亦可以再睇下其他酒店。
http://www.ctrip.com/community/comment/ResourceCommentList.asp?Resource=17887

甘當然距都有好有唔好啦~
唔好就係距的門口比較難搵，我第一天去的時候搵左1個小時宦搵唔到，而家最近附近整緊路，可能會影響都前門的外觀。
但好處都幾多架，地理位置好，離所有景點都唔遠。附近又好多好野食，有2-3間百年老店都係前門大街，好近。而且距地酒店的管理規模及員工態度一向都好好，房間非常乾淨，令人覺得好似返左屋企甘。

你自己參考下啦！

好想話俾你知幾樣野:
1.四個人去北京最好最平的交通工具是的士,地鐵每人3元,的士大多是不用跳錶(除非兜路)
2.去長城最好是四個人包的士,因為德勝門會有數百或數千人等待,而且好多時是企位,
咁早起身又眼瞓,一企至少2-3小時以上,你接受到嗎?不過如果包的士,記得是要包全日,
咁去完長城後可以順道遊其他地方,包的士大約450-500,四個人除開約112.5-125,搭巴士也要數十元,但浪費了時間!
3.如果你要去天安門看升旗,可以於當地酒店或旅舍了解,因為每天不同,去完天安門可以去故宮
4.你亦可以去天壇(記得買套票,因為門票只包入公園,最重要的天壇是不可進入的),然後去頤和園
5.東華門大街有好多小食攤,但注重衛生的人,我會極力阻止,真的很污糟,反而去王府井大街的小食街會"似"好些!至少不在車路旁
6.秋天去記得小心觀光點的關門時間...是很早的,諗定夜晚去邊好,若果喜歡逛商場也有不少選擇的

2007-06-09 17:00:49 補充：
的士是10