我想問呢一舖牌...我需要包自摸嗎?
首先，有個人先後碰左紅中&發財.....之後我打一隻白版俾佢碰埋，再過一圈佢就自摸啦，咁我係咪要包哂呀?我地係打全沖!!
希望有人答到我啦，好想知呀!!!謝謝
有關麻雀規則問題??
2007-06-09 10:06 pm
回答 (3)
2007-06-23 12:35 pm
✔ 最佳答案
如果根據你所講係打全沖的話，呢種情況叫做「全字包」，如果事先冇講明特別牌例，通常都係要「包到尾」；即係在大三元和大四喜的胡牌，成將的番子由同一家供牌碰出的話，雖然即時未能胡出，過後自摸時供牌的一家亦都需要包自摸。呢個牌例係要保障牌局能公平進行，避免有打「籠通」的情況出現。但係凡事都有例外的，特殊情況下可以唔需要包到尾！
★包先唔包後，即是係大三元未碰齊之前，已經有其中一家清一色九章落地，而你手上的牌又全都係這家的色子，在這情況下打出給另一家碰齊大三元的番子，是不需要「包到尾」的；當然必須在人家碰成大三元之時要立即講明，在大三元自摸後才齊齊驗牌確認，咁就齊齊比錢啦！
2007-06-09 11:12 pm
規則可以自己訂, 但大部份都會沿用簡而清先生的建議的.
您的問題是, 是否包到底. 如果係例牌, 即大三元, 大四喜等, 要包.
但香港有很多自己的牌例, 好似: 係三三制, 四四制, 半辣上, 幾多番, 有冇雞胡, 有冇門前清, 如果全沖, 係咪九張包自摸, 十三厶係下家截上家定上家截下家, 一家食定三響炮, 或者搶摃當自摸等, 開枱時應該講清楚.
而家香港麻雀又有人加入台灣及日本牌, 七對, 六獨, 十三不搭等, 所以都係個句, 講清楚.
您的問題是, 是否包到底. 如果係例牌, 即大三元, 大四喜等, 要包.
但香港有很多自己的牌例, 好似: 係三三制, 四四制, 半辣上, 幾多番, 有冇雞胡, 有冇門前清, 如果全沖, 係咪九張包自摸, 十三厶係下家截上家定上家截下家, 一家食定三響炮, 或者搶摃當自摸等, 開枱時應該講清楚.
而家香港麻雀又有人加入台灣及日本牌, 七對, 六獨, 十三不搭等, 所以都係個句, 講清楚.
參考: 三十年前簡先生的大作及廿年前簡先生的電視及電台節目
2007-06-09 10:09 pm
不需要包自摸。
收錄日期: 2021-04-19 16:20:24
原文連結 [永久失效]:
https://hk.answers.yahoo.com/question/index?qid=20070609000051KK02265