公貓絕育是否一定好 ?

我隻少爺都係 2歲多才絕育 ,
其實佢由貓B執返來到我考慮帶佢去做手術前,
佢從未有過思春期反應 , 如周圍小便 , 攪破壞等行為,
我只是考慮到佢將來健康着想,亦考慮到有朝一日佢真係有咁嘅行為,你或你屋企人可能因此厭惡佢 , 咁點算 ?
所以做絕育是保障貓貓身体健康同可以繼續維持你哋嘅感情!
仔仔手術好簡單 , 手術前8小時禁食,上午做 , 下午可以返屋企了 ,
要注意你帶佢走時 , 佢瞳孔是否仍然放大 ,
咁表示佢痳醉藥未完全過晒 , 最好繼續放佢喺籠度 , 再等多约 3小時,
佢瞳孔曉收縮就正常啦,可以比佢出來四圍行.
第二日就老虎仔咁啦, 3 ,2日後乜都唔記得啦 , 唔會嬲你!
我隻少爺絕育至今有一年 , 食量無变 , 跟之前差不多 ,無特別肥 ,
上周去打針 , 磅過都同之前差不多 !
最緊要先去醫生度同佢body check 下先 , 無問題就 OK啦 !
祝你家少爺身体健康同快樂 !

流浪貓B的貓奴

你要知道好多野話唔埋0既，如果到佢有生殖器官毛病先處理就太遲喇！

唔好咁陰謀論，唔通你會因為唔想俾錢醫生就有病唔睇醫生？或者為左唔想俾老師有工做而唔讀書咩？好多野都係「專業」人士先知，有d錢無得慳0架~~~~~~

我隻貓5歲了. 06年春絕左育. 當時佢都差唔多4歲. 返黎冇嬲我喎. 獸醫手術做得好好. 第2日佢已經好似乜事都冇發生過咁. 肥呀? 同之前差唔多啦. 你可因應佢重量, 比唔同既糧佢食 ka ma. 我有時都會, 同佢轉下糧 ka. 或幾款一齊比佢食 lor. 佢依家食緊....潔淨牙齒, 除毛, keep fit 糧3種 ka.