這算是愛嗎？

我覺得係你父母唔識表達，無意中講左d好hurt人的說話…
講真，做仔女的聽到父母咁講，係會好唔開心，父母竟然會覺得學業重要過我既健康，我受傷你又話我煩…當然會質疑究竟佢愛唔愛我

但我試從你父母的立場去諗，又應該唔係唔愛你，如果真係唔愛你，就唔鬼駛理你成績好唔好，受左傷都由你自生自滅啦

佢地之所以咁講，我覺得可能係佢地自己既價值觀，真係覺得學業重要過健康，即使係佢地自己讀書，俾佢二者選一，佢地都可能覺得為左學業而放棄健康係好值得既﹗
父母當然會將自己認為好、認為0岩既野俾d仔女，所以佢地先會咁同你講，希望你都認同呢種佢地認為0岩的諗法(即使佢地的想法未必0岩，但佢地認為咁係0岩嘛﹗)

至於話你煩…父母都係人，都有情緒，你受傷佢要照顧你，又要俾醫藥費，又要掛住你…佢地都有自己的事要忙，而家又加埋要照顧受傷的你，真係可以用「煩」字來形容﹗
試想下你有隻寵物，但佢唔止一次攪到自己受傷，要你照顧同帶佢睇醫生，你除左擔心你隻寵物之餘，又會否真係完全唔覺得麻煩呢？你又會否心諗若佢小心d你又免除好多麻煩呢？
如果你會在擔心之餘，都覺得成日要照顧受傷的寵物有少少煩，咁係咪代表你唔愛你的寵物喎？
其實唔係唔愛家嘛﹗你愛佢係一回事，佢出事要你照顧令你覺得多左野要煩又係一回事﹗
如果能明白呢點，咁你應該明白你父母唔係唔愛你﹗
佢愛你係一回事，你受傷令佢多左野要煩又係一回事﹗就係愛你先煩﹗因為唔可以唔理你嘛﹗佢地話你「煩」，都應該係一時情緒衝口而出
所以呢…唔好話父母唔愛你，我唔係偉大到認為全世界的父母都一定係好，唔會錯，但至才百分之99.9都係好既，只係可能有時表達得唔好，hurt到人0者

不過最重要係，即使你覺得佢地唔愛你，咁你愛唔愛你父母丫？如果愛，就包容體諒佢地多d啦，不要計較誰愛誰多一點啦

錯．．．．．．．．．．．．．．．．．這不是愛
排第一既最係健康,跟住就係娛樂，第三先係學業
做人最緊要開心
如果不是做人最緊要開心，為甚麼一天多甚人自殺?

父母同你講,
" 排第一既係學業, 跟住就係健康, 第三先係娛樂 "只係因為太緊張你，又或者佢本身怕羞，至咁同你講，其實佢對你的學業和身體狀況係一樣重視，憑佢話又整親牙？咁鬼煩咖？"呢一句就知，佢罵你，係因為佢關心你，她不罵你，才不是愛你，古語有云：罵是情，打是愛．她就是感到心痛，又不懂如何提醒你，關心你，才會說你煩．

她說話時你必定感到難受的，但你何不想想：她為什麼要罵我？為何我不愛惜自己？
又換個角度想想，你自己成整親，其實你自己都覺得煩，她卻身同感受的．

當你生病的時候，她可有悉心的照顧你？你考試的時候，她可有在旁指導你？都是她愛你的原因

父母都只不過係人, 都會講錯說話, 傷害到人, 甚至自己的子女。
當然聽到父母認為學業比健康重要, 是會不開心, 好似父母不體諒自己, 只係看重成績。
雖然觀念錯了, 但不代表他們不愛你的。有時候可能是表達上出錯, 難道你發高燒仍強逼你上學嗎? 相信不會吧!

嫌你麻煩都只不過是一種發洩情緒的方法, 是不應該, 但人總有脾氣。可能他們在工作上壓力很大, 回家又要照顧你, 所以一時說出晦氣說話, 未必是真心話。

雖然父母有責任去照顧我們, 但也要學習體諒他們, 人有軟弱的時候, 有做得不完美的地方, 所以你要學習包容父母的缺點。 父母不會永遠是對的, 但他們都是為你好, 可能你不認同, 但他們絕對不會害你。

他們是用錯方法去愛你, 但怎樣也好, 愛你的心是真的, 不要懷疑父母的愛, 這是對他們最大的侮辱。

錯愛,區只系愛自己
排第一既係學業, 跟住就係健康, 第三先係娛樂 "
有D安慰,只少吾系123都學業

係一種思想練習,訓練你令你強起來。
好比一些太過愛惜的愛。
即係人地所講種壞晒之類的兒童。
其實父母通常把兒童放在第一位,
個人覺得係出自所謂既愛。

家人如果用心去愛你，應該是你身體健康最緊要！