請問有d咩感人ge電影ar?

以下係我心水推介o既電影，全部均令我淚如雨下
圖片參考：http://hk.yimg.com/i/icon/16/18.gif

<壯志潛龍>真人真事改編，有關種族奇視的勵志片，故事不煽情，但非常感人，我記得當年有觀眾喺戲院睇到企起身拍手掌。
<綠里奇蹟>一部令你睇完必定會喊o既電影，我都好後悔當年冇入戲院睇。
<費城故事>關於歧視愛滋病人o既故事，湯漢斯與丹素華盛頓演出精彩。
<劫後重生>又係湯漢斯作品，單是睇佢個 人演出已經值回票價，最深刻的一幕是他與足球o既對話。
<跳出我天地> 英國電影，戲劇+勵志，笑中有淚。
<鋼琴戰曲>雖然係戰爭片，但不沈悶，導演以另一種手法拍攝，淨係睇男主逃亡已令人感受到戰爭的恐怖，抵佢攞奧斯卡影帝。
<尋找他媽的故事>女主角絕對係為藝術犧牲，令人佩服，故事特別。攞唔到奧斯卡英后，令人大跌眼鏡!!!
<明日的記憶>日本電影， 一家大細都啱睇o既電影，睇完會增進一家人o既感情。
<波特小姐-彼得兔的故事>真人真事改編，故事感人，而且係很罕有o既一級片，一家大細也可以睇。
<竊聽者>德國電影，男主角演技出色，故事有少少關於政治，但不沈悶，拍攝手法一流。
<與神對話>唔係一味講耶穌叫你信上帝，內容令你有所反思，一部好有深度o既電影。
<沒哭聲的男孩>真人真事改編，關於女同性戀被歧視，我睇完呢套戲好憎鬼佬。
<小飛俠前傳之魔幻童心>片名改得好差，其實套戲係講小飛俠作者與一個單親家庭孩子的生活，而啟發他創出小飛俠的靈感，導演拍攝出色，喊到我眼腫腫呀!!
<尋找快樂的故事> 又係真人真事改編，韋史密夫與兒子喺地鐵廁所瞓教的一幕，非常感人而不煽情。



2007-06-09 11:52:28 補充：
仲有兩套非愛情片，&lt; 閃亮的風采 &gt;及&lt;一級謀殺&gt;，兩套都係真人真事，希望啱你口味。

2007-06-09 11:57:57 補充：
諗諗下仲有一套&lt;極地雪犬&gt;，我鍾意貓，但都覺得啲狗好慘，兼且有衝動養狗呀!

Click(命運自選台)

建築師米高（阿當桑迪拿飾），有漂亮賢慧的妻子（姬蒂碧金莎飾）和兩個活潑可愛的小孩，生活羡煞旁人；但他總把事業看得比其他一切重要。和妻兒同一屋簷下，卻難享天倫樂。一天，他在一所家庭用品店得到了一個神奇遙控器，米高赫然發現這個竟可遙控人生！它既可跳過無聊時間、暫停失控場面、除去令人生厭的「噪音」，甚至能倒轉時光回到被遺忘的美好時光……

真係好感人呀..睇到我流晒眼淚呀^^&quot;
個男主角掛住做野...想升職做合顆人...但點知掛住做野就咁無晒d時間...最後連個仔大左都唔知呀..老婆又有第二個,..真係好慘..但係哩d都係佢一手造成的...佢覺得好後悔..我係佢立場黎睇..真係好慘...不過最後哩件事都唔係真的..只係佢發夢...但係真係好有意思..家庭真係對人好重要的..請好好欣賞啊~
哩套戲唔係愛情片的..但係算是喜劇的..氣氛好好^^但係又好感動喎~^^..