落妝.....

首先要睇下你當日化點既妝，如果係全妝，而又係防水睫毛液咁，我就介紹你用一隻叫做Fasio eye & lip make up remover, 藍色一枝卓悅、屈臣氏有得買$3x，好好用的，可落全面，仲落得好乾淨。

如果你唔係搽防水妝，你可以去萬寧買一隻落妝濕紙巾$36，叫做Comodynes，一抹就落到！

不過提提你，以上兩種方法都只係抹左表面既化妝品，你要再用洗面膏清洗多一次先可以完全落乾淨架！

總括黎講，防水妝步驟：Fasio eye & lip make up remover --> 洗面膏
普通妝：Comodynes落妝濕紙巾 --> 洗面膏

首先要看看自己是邊種皮膚,好似我咁我敏感,如果用咗油d或者係用粉混埋水去落必定起敏感.如果你油性用咗好油既落妝油,就久而久之生哂d粒粒,我覺得要乾淨可以搵d奶性重d水份重d落多幾次,用棉花抺到看不到化妝品,再用tonic抺一次,又或者用落妝油後再用洗面奶再洗都ok,植村秀有隻洗面油,先放落手再加水會變成奶,都ok,佢有好多種皮膚適用,然後再用洗面奶,效果唔錯.如果想平,可以去買平d既落妝紙,一包包既,响卓x嗰頪度買,然後一樣用洗面奶都ok.

要落得乾淨，起碼妳拿塊化妝棉嚟抹面，塊化妝棉要乾淨冇嘢至得。
卸妝用品好多都可以，如果唔想太貴，去萬寧ｄ櫃台買普通ｄ卸妝油都ｏｋ，想好ｄ，當然可以買Ｄｉｏｒ﹑ＳＫ２等等啦，如果驚唔乾淨，洗多一次咪得ｌｏ～
ｂｕｔ，在咁多卸妝用品中﹕卸妝乳液﹑卸妝棉﹑卸妝油……中，卸妝油係最乾淨的（我以前個化妝ｍｉｓｓ講的），我試過，雖然塊面卸完妝後會「油笠笠」，不過真係幾乾淨，妳可以試吓架。