求救!!! 我的哥哥要結婚了, 但這可能不是一件幸福的事 !

所謂一個願打一個願捱,你的哥哥是一個成年人,又事業有成,他目前這樣開心,你想他們落左個bb似乎講不過去呀,現今是自由社會,你很難阻止熱戀中的人相愛的,你的哥哥哪裡聽得入耳?你都是省一口氣吧!婚姻絕對是個人的抉擇,旁邊的人勸過不成功也只好算了,無謂傷感情!,而且bb是無辜的,那未來親家要你哥哥買樓你哥哥可以拒絕,反正他們女兒已經懷孕,也奈何不了你哥哥呀!

你阿哥都攪大左人地個肚咯，就要負責任，你無理由要人地落仔咁折墮喎，人地都係人黎架....你覺得佢唔好就要你阿哥拋棄佢...講到佢一定係貪你地d錢咁，你有無了解過佢?? 你有乜理由相信那個女人係有目的先同你阿哥一齊?? 你係做人地細妹，無資格管你阿哥d私人野架....感情無得勉強架!!! 你係都要將你個擇偶要求套在你阿哥身上，係好乞人憎架......你都唔尊重你阿哥0既選擇，驚死個女人坤哂你地d錢咁，結婚依樣野，你情我願，你管唔到架......你求咩救丫，人地結婚開開心心，你好似覺得就快世界末日咁....你根本就是睇唔起大陸人.......

唔好做d叫人落bb咁無陰公的事啦....都唔明你係女人，點解會有寧願人地落左個仔咁不負責任的想法?? 你只想你阿哥幸福就不理其他人點死法啊，你都好自私喎

你對佢地黎講係婚姻同感情入面只係一個局外人 就算親人又點?
而家唔係古代 你地亦都冇呢個權去阻止到佢地做既野
人冇錯過係唔會知衰....你阿哥要結婚生仔 佢自己本身意願係咁你又何必理會呢
當局者迷...佢地聽你講野咪左耳入右耳出....
其實佢地感情好唔好你又知唔知?寧願叫人地落左個仔佢
你咁講真係有d過份.....始終條路係你哥自己揀 責任等佢自己負返
只要唔好搞到你同你家人 咪由得佢去試下繼續同個女人一齊囉
如果你真係出力出面搞散人地 你哥唔甘心的話 可以同佢結左婚你地都唔知咪重衰
唔好以為人地比你地窮就一定係為左錢而一齊
唔好以為大陸一定冇好人....雖然真係好多衰人=.=
同自己阿哥講 路係你自己揀 意見比過 錯左想轉頭家人一樣支持
錢冇左可以搵過 時間係搵唔返 婚前婚後 係咪真係適應到 係咪真係完全了解左對方
如果係真心相愛所以難關可以一齊捱過 如果唔係 少少苦人地就會走
叫你阿哥用心諗一諗 大家經歷過d咩 苦過d咩 值唔值只有自己知

有時每個人要求意見都唔同 你又冇得迫你自己阿哥將自己心入面揀老婆要求轉做你既要求
如果你哥要繼續堅持要呢個女人 其實真係咩都做唔到 講真 連你自己都唔清楚個女人真心定假意
可能真可能假.....但相處得耐一定係你阿哥 知最多都係你阿哥
個女人既家人要求既野過份唔等於個女係衰ka ma
你地要明白一點 如果你地個個都唔鍾意又唔滿意佢地結婚
只會造就果個女人既家人一味話你地點點點 到時你阿哥會好慘.....
你哥而家夾係中間ka...