10分問題~~狗狗獨處的時候應唔應該關入龍呢????

其實，最好唔好留佢一個係鋪到啦！
第一，入面空氣又唔流通，而家又咁熱，佢會好唔舒服架。你成晚都唔同佢玩，佢唔食屎lam尿先奇。
第二，你幾時開始養佢架？開始養佢既時候有無教佢去狗廁所？你唔教佢，佢梗係週圍去啦！
第三，你七點半就走，到第二朝先再返去，佢足足成十二個鐘先再見到你，佢半夜唔癲就奇啦。

狗狗需要你陪佢，需要你關心同愛佢，唔係需要你困佢入籠。
唔好咁對佢。

我都有養狗，仲係新手，養左兩個月，但我隻狗狗就唔會就地屎屎尿尿，因為佢成日都見到我，只要佢一週地柯，我就會教佢，教左一個星期左右，佢就無好乖咁去狗廁所柯，到依家，已經無再柯係地啦！

有時候，佢可能係悶，又或者想引你注意，又或者想你陪佢，所以會做出Ｄ你估唔到既行為。其實，如果佢識講野，可能想話比你知，佢唔想係鋪頭。

多Ｄ同佢傾下計，望下佢，摸下佢，甚至抱下佢，佢好需要你。

問題1.你唔好關佢入籠啦,
2.咁你嗰度有冇window呀?如果冇既,就開啦
3.佢係唔係想引你注意呀?
4.你同佢搽野,你可以買個頭罩俾佢,令到佢唔可以"lum"度個傷口~

1. 唔應該, 成晚流流長, 困住喺籠內面好慘架.

2. 三十幾度咁熱, 你收舖時梗係要開番把風扇吹住佢啦, 仲要留足夠0既水俾佢飲, 如果唔係, 怇好易會焗親或者中暑架.

3. 你隻狗狗係咪未做絕育手術呀? 佢射到周圍都係, 應該係喺度霸地盤(狗公通常都係用呢個方法宣示主權架).

4. 你係咪俾咗啲佢唔應該食0既佢食呀? 即係咸同有味精0既嘢, 其實咸, 甜同油膩0既嘢都唔啱佢食, 會令到佢啲皮膚痕癢. 你應該俾啲天然糧佢食(Yarrah, Canidae, Timerwollf都係天然0既狗糧). 另外, 如果皮膚病唔係太嚴重(嚴重就梗係要帶佢睇醫生啦), 你可以用鹽水幫佢浸吓身(但如果佢搲到自己損晒就唔好啦, 會 " 嗱 " 親佢架). 至於搽藥膏0既問題, 你可以去獸醫診所或大間0既寵物店, 買個狗喇叭俾佢戴, 咁就唔驚佢會舔到啲藥膏啦.

另外, 關於大小便0既問題, 你隻狗狗應該屬於中型犬, 一日應該去兩次toilet就夠架啦. 你應該喺開舖後同收舖前都帶佢去廁所或你指定0既地點大小便, 俾多啲愛心同耐性, 佢好快就會學識架啦.