咩都唔識既大肚婆有事一問! 唔該幫忙..。﹏。

1) 白連鬚係咩來架?如果我想煲...點煲呢??煲出來係咸定甜架?
---> 唔使咁快飲, 臨預產期前1個月都未遲

2) 如果生完bb想用薑水沖涼...甘薑水點煲架? D薑需唔需要拍爛佢先煲呢??
---- > 你先叫家人一齊將薑去皮先, d羌可留來煲薑醋, 薑皮洗乾淨同哂乾留番生完至沖涼,記住沖涼既水又要先加薑皮煲完至沖,唔可以用水喉水直接沖,所以前一晚先煲一煲先等凍第日加熱水,如果唔係有排等水凍.不過我個時d薑皮都唔夠用,我就再買d薑拍鬆加落水煲黎沖涼, 都ok架

3) 薑飯係點正架??
----> 薑飯, 係用薑碎加飯黎炒.

4) bb係夏天出世...甘熱需唔需要每日都幫佢沖涼呢??
--->要架, bb 通常係早上沖涼好d, 衫出世bb 沖涼最好同房隔咁遠, 因為一起水好易攝親, 故此好人會同bb係房沖, 最多都係將個盆搬入房,沖完即刻用毛巾包住才著衫.

其實仲有好多野講, 不過未諗到, 你唔仲意reply, 我可用私人e-mail 覆你, 分亨心得.

1) 白連鬚係用來滑胎(清胎毒)，自然分娩時好生D和bb唔使咁多濕疹。你預產期前三星期開始飲，頭一星期飲一次，之後每隔四，五日飲，你可以去中藥舖買，你同佢地講要幾多次，並分每次一包。
份量 ： 白連鬚一包，熟雞蛋兩只，片糖適量
煲法 ： 將四碗水煲埋為一碗水 (大約四十分鐘)
記住要食埋D雞蛋呀 (最少食一只)

2) 薑水 : 淨係要薑皮煲就得，你都可以加兩(舊)薑拍爛佢加埋一齊煲
貼士 ：最好係醫院都用，用它來抹身和洗面並立即再用乾毛巾抹身

3) 薑飯 ：係要等個D嘢黎完後先好食，如果唔係有排先清得晒。
　　煮法（１）：切片煲飯差不多熟放在煲內，又可混入豬肉或雞肉中一併在飯面蒸
　　煮法（２）：切片加雞蛋抄飯，記住不可加豉油

4) BB 每日都要佢沖涼，但初生BB唔使用肥皂或沐浴露，最多加半茶匙ge 份量放入水裡，不是塗在BB身上，沖完唔使過水，用大毛巾抹乾身，記住幫穿好衫便立刻清潔臍帶。

如有其他疑問都可以問我，歡迎之至　！

1. 白蓮鬚係中草葯累的植物, 它通常比已懐孕7至8個月佐佑的孕婦煲水飲, 傳說是會解胎毒, 將來BB出生後減少生瘡仔的機會, 但中葯不可亂食, 而且有些人是不能吃中葯的, 所以我建譏妳最好請教醫師, 因為事關兩條人命, 我都希望和祝福妳們大小平安!
2. 至於生完bb想用薑水沖涼, 有以下兩種辨辦法, A. 如有大湯煲, 可把薑皮和拍爛的薑放在水煲內煲滚後待泠却至可接受的熱度用來沖涼. B. 假如妳沒有大煲, 請把所有煲滚的水倒進預先放佐薑的浴盤或水桶當焗茶一樣待熱水泠却至可接受的程度用來沖涼. 但切記薑水是比大人沖涼用的.
3. 把薑剁碎放進燒紅的鍋然後加入飯一起炒熱就OK啦!
4. 當妳在醫院生BB時. 姑娘應該會教妳怎樣毎天幫BB沖涼的.
因為BB食奶時掃風唔好會嘔奶, 大小二便係用尿片解決, 如果妳不毎天幫BB沖涼, BB會有很大的蘇蝦味, 而大小便不清理乾淨會pet pet敏感呢.

衷心祝福!

就我所認識既解答下啦, 我吾算好有經驗, 但都係一個7歲女既母親
1. 白連鬚係臨盆前煲黎飲的, 有清熱解毒作用, 解下bb胎毒,同埋話飲左會容易生啲
(老人家說話), 我以前就咁煲水飲, 好似煲涼茶咁, 吾算好苦, 似涼茶咁味, 最好吾
好加糖啦, 你可以係藥房執時問下點煲好d, 因始終我都隔左七年有多了。
2. 生完bb係要用薑水沖涼的, 有驅風作用, 落多d薑都吾緊要, 最好係老薑, 當然要拍
爛先煲, 容易出味d。
3. 薑飯係將d薑刨成絲, 或薑汁, 加蛋黎炒, 好似炒飯咁炒, 當然加d鹽啦。
4. 無論bb係夏天還是冬天出世, 最好都係每日洗澡的, 因佢食完奶掃完風點都有d吐
出黎的, 一陣騷味, 尤其夏天天氣熱, bb又大汗, 基於衛生問題, 一定要沖涼, 但就
選擇中午或下午有太陽時間幫bb沖涼, 冇咁易著涼。記住護理好bb肚臍, 臍帶會慢
慢脫離的, 一定要保持乾爽。

祝你同bb都健康快樂啦!恭喜你!

2007-06-08 14:40:55 補充：
薑水沖涼亦可以用整薑醋既薑皮煲水黎沖, 吾好浪費。

1.白蓮酥係甜ga你去買la，係企屋好難整ga﹗
2.拍爛佢煲，用老薑，放多d。
3.薑飯正﹗薑洗後切片再切絲，唔好太幼又唔好太粗；然後放小小油係鑊，爆香d薑絲
，爆透(唔爆透會好辣無咁好食)之後放飯炒到d飯散。
4.當然日日澡la﹗你試係summer一日唔澡涼ar；你燥到咩都唔想做la﹗BB用微温水澡
涼，因為係summer， 輕力d &小心d，用"強生"產品會對BB好d，因為專為BB係而設﹗
唔好俾d陽光直接射到BB的eye﹗幫佢塗蚊怕水的時候要小心d﹗
總之對BB樣樣都要小心，尤其係天氣轉變，發燒一定要去睇醫生﹗

1)我印象中好似叫"連逢鬚", 通常加雞蛋pin糖
2)可以留番煲薑醋的薑皮, 曬乾加沸水沖涼
3)薑溶或薑粒炒香, 加雞蛋和飯再炒, 加salt調味
4)無論天氣炎熱與否,都一定要每日都幫bb沖涼