外傭剛到, 勞保要幾時買才不犯法

係,呢個係法例規定,僱主無幫工人購買勞保係己經觸犯法例.

其實你可以先幫個工人買咗勞保先,而家有好多銀行都可以將勞保合約內所受保之工人轉換,而不另收費.你大可打去查詢有關細則.

建議銀行 - 道亨 (我都係問過有經驗0既人,係有人介紹用呢間比較好同平)

目前好似沒有明文規定時限, 但外傭一開始工作就應該受到勞保保障, 因為意外唔知幾時發生, 她在你家一日, 都需要由你負責。所以通常外傭一到會即時買。

其實, 你無需擔心, 因為如果個工人唔好, 保險公司可以將你的保費轉俾新請的工人, 總可以順延保障期, 由你請到新工人之時,再生效返。 如果你依家個工人好差你炒佢, 保險公司都要賠你請臨時工人的費用。這些就要睇你買的是什麼樣的保險啦!

唔知你是否經agent請外傭, 如果是的話, 外傭勞保通常可經agent向保險公司購買, 當然, 你可以叫agent報個價, 並要詳細睇保障內容。如果自己直接向保險公司或銀行保險購買, 就會貴些少, 因為保險公司會俾agent折扣, 藉此保障的客源。

多數保外傭勞保分兩類:一類是基本勞保, 各項保障金額都少好多, 同埋冇睇牙門診保障; 第二類綜合保障: 範圍廣的, 包括有得睇牙醫。

基本保障計劃的保費由$300至$556.5; 綜合保障計劃的保費由$552.9至$807。兩者的保費相距不大但保障範圍卻有很大分別，必須小心選擇合適計劃。

牙醫好重要, 因為好多工人都有牙病, 可能因為本身的體質問題, 自小吸收的鈣質唔夠。的工人多數一個合約期內多少都會睇幾次牙, 牙醫費好貴, 動輒一個療程平平地都要1 - 2千。

好多銀行都有外傭保, AXA, 閩信, 衡安等都可以問下, 報價來比較一下保險範圍。我依家用的是衡安, 經AGENT比起直接同佢買, 平些少, 兩年1,280.

希望以上可以解答到少少你的問題, 祝你順利!

DBS 最抵, 同埋可以轉保, 即第1個工人合約期內走左, 可以轉落第2個工人度.
同埋CLAIM 錢都好快, 我個工人一黎就牙痛, 個牙醫話好耐架喇, 唔係近2-3個月既事, 不過都要幫佢搞, 足足睇左我成千銀, 不過都係CLAIM 3份2, 好過冇.
你去DBS 問下.

2007-06-08 15:28:47 補充：
你都係儘快買安心d, 因為有事起上黎點算