男人ge心理..

首先~
我係男既(即係你話犯賤果啲-.-)

男人係咪知道自己個女朋友有人爭..
先會特別緊張佢架呢?

你咁講其實有啱有唔啱啦
如果男仔知道左個女朋友比人追緊
通常都會緊張你啲既~
但只係通常咋啵
因為呢個世上有好多種性格
有啲可能因為信任兩個人之間既感情又愛理不理
有啲可能會覺得另外一個男仔侵犯佢既領土而作出相應既行為
(原諒我既用詞-.-有啲男仔真係咁諗)
呢啲野唔可以一概而論,每個人都有唔同做法

咁樣係咪代表男人都係犯賤架呢?
係咪一定要失去左之後先識得珍惜架呢?
呢點...
首先要令你明白
科學研究講過
男性比較唔識點表達自己既感情
你覺得佢唔珍惜你並唔代表佢真係唔珍惜你
而可能係佢唔識表達,或者表達左你唔覺
但係失去左之後
起碼都要保持番基本禮貌
唔可以隨便身體接觸
咁表達既途經少左一樣
自然會令其他表達方法加強
其實好多人都識得珍惜
只係你地女仔唔知啫...
不過當然有啲條件好既男仔...
失去左都唔去學識珍惜呢兩個字啦

1) NO. 2) NO. 3) Yes.

男人係咪知道自己個女朋友有人爭..
先會特別緊張佢架呢?

1) 絕對係, 就算係追緊你既時候, 知道有人同佢爭, 佢都會好緊張.

咁樣係咪代表男人都係犯賤架呢?

2) 咁又唔係既, 代表佢緊張你姐.

係咪一定要失去左之後先識得珍惜架呢?

3) 通常係失去左之後更珍惜囉.

我認為係因為有競爭先有進步!!

我覺得係對比同比較的問題.

你以為自己對另一半好好, 因為佢冇離開妳. 但當你發覺有另一個人做一d野去取悅你的另一半, 而佢又接受時, 你先會發覺, 原來自己仲有好多野係冇做, 或者做得唔好. 呢個問題男同女都會發生. 再者, 當發現自己並唔係另一半的唯一選擇時, 代表可能有機會失去佢, 咁緊張都係正常架. 如果咁都唔緊張就死啦.

窮過, 先知有錢有幾好; 唔開心過, 先知開心係幾咁好. 好多事情都要有d唔好野先知好, 曾經失去才懂得珍惜, 縱然可惜, 但何嘗不是一種成長呢? 以過來人的心態, 希望大家可以珍惜身邊的事物, 沒有人是欠其他人的, 所有野都唔係必然

其實我覺得佢真心鐘意就任何情況都會緊張同珍惜。

不過如果知道對方有人鐘意，我諗無論男定女都會緊張d。我認同係人性。但唔代表話有人爭先會緊張。緊張左一定有。但冇人爭時其實都係鐘意的，只係相對一定冇咁表達je。

我唔係lor
關乜事
除非兩個人並唔係平等, 而係女係度吊住男啦

我讚同你所講，我想大部份男人係咁，不過呢D咪係人性囉。