點先學到打字快?(速成)

專心d學,當年我從來未接觸過打字,係朋友屋企玩左一整晚快快樂樂學倉頡已經ok識打。
幾日之後一分鐘都打到2x個字。

課程最多只可以教你打，打得快唔快無咩人幫到你。
至於打字超快其實無咩需要，除非你話工作要求你要。
唔係一般識打，一分鐘打到３０個字左右已經ｏｋ。

又其實你自己都答左係咩問題，其中一個就係根本唔熟，咁何來快？
除非中文程度真係好低，咁呢樣就任何打字方法都幫唔到手。
但其實倉頡的話，打熟左，就算唔識係咩字都知點打。其實中文字都幾歸一，倉頡既設計都係最好同暫時最快。

速成學到幾精都無用，因為佢唔係正式拆字。
如果想快，其他咩九方就唔好傻啦．．
要快，除左倉頡以外係無需選擇。

另外最主要覺得係興趣,因為當時想玩icq,咁有動力就好快會學識。
動力唔夠但又需要做到就迫自己做。最緊要專心。
唔明就睇多幾次。千其唔好剩係睇書或者望ｄ軟件點教；記得一定學既同時都要打／實習。搵ｄ打字軟件幫下忙。

唔係呃你，就我咁都係用快快樂樂學倉頡就攪掂左。個軟件幾簡單什至可以話係白痴下，但一般係得。佢講得都ｏｋ，不過不失。所以，學習軟件唔係做得太差既話，最主要都係睇你自己專唔專心。

我大概有幾快，你睇下我答左幾長大約估下咪知。係咪王道就唔知，但個人經驗話你知就一定係，事實就係面前。

最後，就係睇你自己既專注力。為左份工，努力啦。

最最後仲有一個好重要既ｍａｉｎ　ｐｏｉｎｔ。
打字快既最基本以及最重要既地方，就係擺手要岩位。唔係就快極有限，什至叫做慢。
正確擺手係點是但搵本書都有講架啦，跟到足就可以。

另外小ｔｉｐｓ係，快既人係絕對唔需要望ｋｅｙｂｏａｒｄ。

日常生活下，我打字已經唔知自己打咩，好似講野咁，想講(打)咩就會出咩。ｋｅｙｂｏａｒｄ當然唔駛望。呢ｄ就叫做快。哈哈。

其實可以好簡單,睇書只係學點樣解碼,你可以去電腦中心買隻碟專門學打字,當然先決條件係你懂得keyboard的排位啦,如果不懂咪買英文打字先囉,嗰d會有圖像好似打機咁,打吓打吓咪開始同其他人玩sms,答吓問題練吓,如果你能夠日日練一至二個鐘包你快過地鐵呀,你去買咗先啦,努力,加油呀!!!!!

如果係打中文字的話, 建議學打倉頡, 因為講熟習的話, 倉頡係快過速成的, 而要在1-2個月內學到打字快的話, 我想倉頡就不大可能的, 因為小弟當年初初學1-2個月先開始熟碼的手位!
最好都係正正當當的買一本學倉頡的書, 練到熟習了所有手位或拆碼, 之後就開始天天花一至兩個鐘頭去打報紙, 小弟當年都係咁樣學返嚟的, 雖然速度不是超快, 但也不失禮!!