天台的緣化

係天台做一個靚靚o既花園,真係好開心, 美化環境之餘又可降溫. 但係就要留心一下, 可能會因此造成樍水或會有滲水等情況出現, 而且樓宇的承托力亦係一個問題. 我之前聽過有一隻泥叫超輕泥, 係專用於空中花園的, 它比普通的泥土輕,就可減少樓宇的承托力問題.
你可先找一些園藝設計公司取資料參考, 可作出決定, 以下有兩間園藝公司的網址給你.
http://www.png.biz.com.hk/ch/index.htm
http://www.selectagarden.ecomm.hk/front/bin/ptlist.phtml?Category=846

好似食餐飯咁， budget 幾多？中餐、泰菜定西餐？要唔要湯？乜嘢甜品？
做天台花圃都一樣。
首先，根據自己喜好，你心目中要有個大方向，先可以逐步逐步計劃。
第一：唔知你天台有幾大。要唔要有戶外傢俱？
第二：淨草坪？香草園？種唔種花？種唔種樹？if yes 乜品種？要考慮四季噃。
第三：你想點整；有魚池？流水？石景？日式園林？户外木加草坪？石春健康徑？
好多選擇，係咪？
有個天台同有個咁嘅 idea ，係一件好好嘅事，好多人；最底限度有我，恨都恨唔到，你千昕唔好浪費咗。
所以完整嘅規劃唔少得，做之前不防睇多啲園藝設計嘅書，多啲去花墟行吓。
千萬唔好一路做、一路加、一路改，最後都唔知似乜！
小小貼士，天台唔應該種樹，特別係喬木，例如葵、細葉榕之類，因為啲根會週圍追水；引致塞渠同破壞天台防水層㗎。

2007-06-09 09:20:45 補充：
若果決定只係草皮就簡單得多，因為無太多草皮你揀。choose 1) 神仙草，粗生得很嘅東西但唔靚，因為葉色唔係純綠；兼且草頭硬，行落感覺凹凹凸凸唔舒服。choose 2) 即哥爾夫球場用嗰啲草，高質感、草色靚又夠軟性。但係貴好多，通常斷平方尺賣。option ) 其實成千尺咁大，你可以考慮放木器戶外傢俱同種有攀沿植物遮蔭，例如：葡萄樹；即係提子呀，幾靚幾特別架。至於邊度買，運輸、施工費用，因牽涉金錢利益，恕我唔講喇。但你可以問大厦管理公司攞三、四間園藝公司資料，佢哋實有嘅。注意施工前要天台地台去水同防水層要 check 好咗先，因為泥土好易沖散塞渠。

2007-06-09 12:22:51 補充：
問過朋友，choose 2) 嗰隻草叫「百慕達」草，價錢由 $25 至 $32 一平方尺，手工及運輸費未計。注意呢隻草疏水要做得非常好，否則後果可能似政府大球場咁，種極都唔靚。Good Luck