旅行問題．．．．．急需．．．

飛機艙分頭等客位,商務客位同經濟客位

環境/氣氛:
頭等客位 & 商務客位 嘅空間感都好高, 坐椅亦十分舒適, seat back reclined 之後可以好似張牀一樣. 私人空間亦好足夠, 基本上隔離坐個咩人都影響唔倒你. 而且頭等&商務艙都好寧靜, 但坐經濟艙就慘喇, 你要求神拜佛, 隔離咪坐個肥佬, 有異味 or 太健談嘅人, 前後唔好有BB or細路, 因為佢地一定會喊.

坐經濟艙你要去洗手間的話, 就麻煩了....既要睇準時機, 亦要睇吓你所坐嘅位置. 若然你坐window seat 的話, 隔離嘅客又瞓咗你就麻煩喇.
除此之外, 經濟艙通常係200-300 多客用 4-8 個洗手間
商務艙就 30-50 多客用 2-4 個洗手間
頭等艙就 10 個客用 2 個洗手間 (基本上頭等艙係可以用埋商務艙嘅洗手間)

食物:
坐頭等 & 商務客位 嘅食物都會好味好多, 會course by course 一碟一碟咁食, 唔會好似經濟客位咁一個盤放晒所有食物. Course by course 會係有頭盤, 主菜, 生果, 芝士, 甜品, 朱古力,咖啡茶. 逐樣上. 而頭等重會有魚子醬, 鵝肝醬, 湯, 沙律等美食, 除此之外, 頭等重會有新鮮飯 & 即炒嘅蛋食, 因為有啲頭等艙係有電飯煲&煎pan嘅. 同埋坐頭等你想幾點食都得, 點食都得, 即係由甜品食起, 最後食頭盤都得

另外, 餐酒的質素在不同機艙亦有不同, 在頭等你可品嚐過千元的餐酒, 但經濟艙的只是數百元的貨色.

娛樂節目:
頭等 & 商務客位的系統有 rewind/forward/pause /stop 等功能, 即係話套戲你想點睇就點睇!
而經濟客位就限時限候喇.

服務:
至於服務方面, 在頭等工作的空中服務員通常會較有經驗, 而且服務員同人客嘅比率亦好影響佢地嘅態度.

價錢:
以國泰航空公司的一程 亞洲 & 歐洲 價格作比較吧
(以下在國泰網站search到嘅一般價格, 不是旅行社的特惠價格)

香港 - 曼谷 - 香港:
頭等客位: $10038 (經濟客位的 4 倍)
商務客位: $5298 (經濟客位的 2 倍)
經濟客位: $2448

香港 - 羅馬 - 香港:
頭等客位: $63497 (經濟客位的 5.7 倍)
商務客位: $33867(經濟客位的 3 倍)
經濟客位: $11137

希望解答倒你嘅疑問啦 (^.^)/

如果你是說去台灣，通常是分經濟艙、商務同頭等。

不同的是座位的寬闊度。吃的東西不同。服務的空中小姐比例不同等，商務同頭等可以去貴賓候機室。而且上機通常不用排隊。行李會最早出輸送帶等。

我想你可能是想問機票就算同一是經濟艙但又有k、u等。其實不同航空公司有不同的代號。是代表不同飛行哩數的計算。亦有不同的限制(如有些是不能改期等等)

http://hk.myblog.yahoo.com/plpblib