你覺得c朗點?

佢插水勁過插花好多

我同意你嘅講法，佢插花真係無乜用，純屬表演。
但係佢都算幾勁架啦，今季嗰D罰球、頭槌、助攻都勁左好多。
我覺得如果得佢一個一定唔得，隊波要踢得好，一定要C朗+朗尼先得(最好加埋斯)，若果唔係，對手就可以派成兩三個人去睇實佢，佢實無得掂波，基本上就係一定要C朗+朗尼，否則就孤掌難鳴。

個人表演慾太強，有時太獨食，不過佢今季都改左好多，仲做左多個助攻，自己仲做埋球隊首席射手。
我個人都幾認同你嘅睇法，只要C朗遇到D快或攔截力高的中場或後衛，表現即刻失準，令成隊波無曬生氣，而本人覺得C朗插花並唔算太勁，你睇下美斯一個扭四個扭過埋門將五個，動作連貫而且仲入埋波，但C朗有時扭扭下又停下，好容易比人搶到波，由此可見佢嘅經驗和實力都未夠，有待磨練。
至於佢射罰球嘅造詣都己經不斷進步，勁度十足，但角度和準繩度就欠奉。

c朗真係唔錯 又夠速 冇咩人可以成功mark住佢
佢又成日入波 係最聯隊中的神射手
又成日交波比人 做助攻 插花又勁
係不可多得的人才
就算有d人話佢 都唔夠以話佢廢
所以c朗係勁的!!!

我覺得佢好鬼死串，係咁做ｄ插花個Ｄ動作，但係太過華而不實，但係佢之前好獨食，又插水，令D人憎佢，覺得佢無波品，但係而家不同唒，冇咁多插水，又肯分波比隊友，可以見佢進步得幾快，佢而家仲細，仲可以進步，所以等多幾年，佢就可以成為數一數二ｇｅ足球巨星。